, Kalaymyo Tahan le Hmunlai sang kar ah hmai aa hupmi ZRA phu chungtel hna nih tualchung mi pakhat cu meithal

Sagaing ramthen hmuahchih in nihin September 1, zaanlei suimilam 3:00 luan hrawng ah an tlaih i an kalpi, tiah tualchung mi nih an chim. YCW private sianginn nitlak lei J Crown Futsal pumpululh tual pawng ah, cycle a citmi pa pakhat cu civil thuam aa hrukmi minung 3 nih cycle cu kham in, an dirter hnu ah phone in midang an chawnh i private motor a raang pakhat nih a rak don hna, tiah theih a si.

 

Tualchung mi pakhat nih cun, “Zei caah dah ZRA a si tiah kan chim khawh ti si cun, motor khaltu hi Hmunlai sang um ZRA chungtel Hosana Mang a si. A voi khatnak ah cun bia tha tein an i ruah, cu hnu ah hmai aa hupmi minung 4 hrawng nih cun meithal a tawimi hmuahchih in motor chung ah an luhpi i an kalpi. Tlaih a tongmi cu mizei bantuk a si le hodah a si theih a si lo. Cu motor cu rang ngai in an khalh,” tiah a chim.

 

Salingyi Hmunram Chung Ah SAC Hmanhmi Bomb Lung 15 PDF Nih An Lak: Sagaing ramthen, Salingyi hmunram chung ah SAC nih hmanhmi bomb pawl cu kan lak hna, tiah tualchung hriamtlai phufonh in tuanvo ngeitu pakhat nih a chim.

An hmanhmi bomb dihlak hi lung 30 hrawng cu si lai tiah zumh a si. Nihin september ni 1 tiang ah lung 15 cu puahkehnak chuak lo tein kan fimtawl khawh cang, a dang taangmi zong pehtlai in kan kawl rih lai, tiah a chimchap.
Credit;The Chin Post