Kalaymyo Ah Lei Rian tuanmi Pa Pahnih SAC Ralkap Nih An Thah Hna pin ah.

Kalaymyo Ah Lei Rian tuanmi Pa Pahnih SAC Ralkap Nih An Thah Hna,Sagaing ramthen, Kalaymyo thlanglei khuate a khaangtu SAC ralkap nih lei riantuanmi pa pahnih, Aung Htey Win le Phu Ni cu an thah hna i an ruak cu an hlonh hna, tiah tualchung mi sin in theih a si,

 

August 16 zing sml 6:00 hrawng ah SAC ralkap 50 hrawng nih Sagaing ramthen, Kalay peng thlanglei UG sakhan pakhat cu an luhhnawh i, UG ralkap pawl cu an luat ko nain, a pawngkam ah lei riantuanmi pa pahnih cu a ruang um loin an thah hna, tiah PFF Kalay Battalion 2 nih an langhter,Cu hnuah Layingsukhua um ralkaSAC p pawl cu PDF nih an va kalhnawh hna i, Letpakhone khua in Kalay lei ah SAC ralkap pawl cu an kir, tiah PDF Kalay nih cathanh an chuah.

 

Relchap,Zahnak Area Chung Ah Ramvaihnak Scope Hmang In Ramvaih/Vakah Le Lenkhang In Va Rapchiah Kham A Si Cang!
CDF-Thantlang control Area pakhat a si mi Zahnak Area chung ah Zahnak Youth Association le Khuabawi hna hnatlaknak in Area chung ah scope bunh mi zen/kuan meithal phun he ramvaih le vakah siseh, lenkhang zar in varap chiah (lochung riit khamnak telh lo) khap a si cang, tiah theih a si.

 

“Cu hlan cu ZYA le Bawitlang nih an khap nain hmalaknak ai ruan lo ruang ah Police sin ah ap a si cang caah, Police nih hma an lak cang lai. Scope bunh mi meithal/air-gun cu hmuhnak poh ah chuh an si lai i, lenkhang varap tarh cu hrawhpiak an si lai,” tiah Department of Information Director- PATZA (PATZA- Public Administration Thantlang-Zahnak Area) nih The Chin Post ah a chim.
“Hi bantuk kan tuahnak a ruang hi atu lio Lai khuate lei ah lenkhang zam in va rapchiah ruang ah siseh, airgun scope bunh in vakah hman tuk ruangah sa-va an an har ngaingai cang i, mipi lei duhsaknak ruang ah a si” tiah a chimchap.
Credit The Chin Post