Kalay Police Service le CDF-KKG battalion 3 chungtel hna nih rithaisi a zuartu

Sagaing ramThen, Kalay peng ah Kalay Police Servic, Natchaung tualchung hriamtlai phu, CDF-KKG battalion 3 hna nih August 22 le August 24 ah rithaisi a zuartu minung 2 le a tawngtham mi minung 8 hna cu an thilri he kan tlaih hna, tiah cathanh an chuah.

 


August 22 ah Kalay peng, Kalay Police Service le CDF-KKG battalion 3 chungtel hna nih rithaisi a zuartu minung pakhat an tlaih i, an tlaihmi sin in cun Kyats 800,000 man bing sa-piat bawm 2, 30,000ks man ritsi chunhmi, cycle pakhat le phone 2 tiin kan tlaih, tiah Kalay Police Service nih cathanh an chuah.

 

August 24, ah Natchaung tualchung hriamtlai phu hna nih rithaisi zuartu pakhat le ritsi a hmangtu minung 8 hna cu rithaisi i chunh dingmi dur 2, si chunhnak Thim pakhat le rithaisi cawk/zuarnak ah an hmanmi cycle 3 cu Kalaymyo peng Kalay Police Service sin ah phungning tein ap an si, tiah an langhter.
Credit;The Chin Post