Kalay kabaw mipi ralkap nih ralhrang 15 an rak thah hna lio kahdohnak,

Khin-U peng, Myin Daung Khua Sianginn Hmai Ah SAC Ralkap Bomb Puah An Tong I, 6 An Thi: Sagaing ramThen, Khin-U peng Myin Daung khuachung sianginn hmai ah bomb thianhhlimhnak a tuahtu SAC ralkap hna cu nizan ah bomb bomb puahhnawh an ton hnu in nihin 24 July zinglei ah bomb puahhnawh an tong Than i, SAC ralkap 6 an thi, tiah Brothers Of Lands Defense Force – BLDF nih cathanh,

an chuah.Nizan July 23 ahkhan Myin Daung khuachung sianginn hmai ah BLDF, BOB le Hero Army – Khin-U hna nih an hmanhmi bomb cu i lamhnak in SAC ralkap 40 leng an thi. Zaanlei suimilam 5:30 hrawng ah SKAT motor ngan 4 in SAC ralkap a thimi le hliam tuar mi hna cu an laak hna, tiah theih a si.Nizaan i bomb puah an tonnak hmun ah bomb thianhhlimhnak a tuahtu SAC ralkap hna cu nihin July 24 zinglei suimilam 7:00 hrawng ah bomb puahhnawh an tong Than i, 6 an thi Than, tiah BLDF nih cathanh an chuah.

Kyaukphyu Peng Thonginn Bawi Cu AA Nih An Tlaih! Thlakhat Chung Ah SAC RianTuantu 30 Leng Tlaih An Tong: Rakhine ramkulh, Kyauk Phyupeng Sanay khua thonginn bawi cu Rakhine ralkap Arakan Army(AA) nih nihin July 24, zinglei suimilam 8:00 hrawng ah an tlaih, tiah tualchung mi nih an chim.

“Zinglei suimilam 8:00 hrawng ahkhan Sanay khua dawr pakhat chung ah tlaih a si i, atu tiang ah cun Sanay(စနဲ) khuachung cu a dai rih ko, chekhlatnak tuah tibantuk cu a um lo nain siizung pawng ah cun security an chiahmi an um i, dawr zong an khar dih,” tiah Sanay khuami pakhat nih a chim.A luancia July 17 ah tlaih a tong mi Pung Na Kyun pengkulh uktu U Hlah Shwe le motor khaltu Maung Kyaw Naing cu AA nih July 23 ah an thlah țhan cang hna, tiah theih a si.

Rakhin ramkulh chung ahhin June 11 in July 24 tiangah SAC tang rianTuantu hna lengah ralkap 9 le palik 22 hna cu tlaih an tong cang, tiah theih a si. United League for Arakan-ULA/AA nih an thanh ning ah cun hriam a tlai lo mi SAC ralkap kuttang um rianTuantu hna cu a herh ning in chekhlatnak le biahalnak tuah an si i, raltuknak lei i pehtlaihnak an ngeih lo ah cun Tha tein kan thlah Than hna, tiah July 23 ah an thanh.

Magwe RamThen, Dammathaya Khua Cu SAC Ralkap Nih An Duah I Khuami An zaam Hna!: Magwe ramThen Myaing peng, Dammathaya khua cu SAC ralkap nih July 24 zinglei ah an duah i tualchung mi cu an zaam hna, tiah theih a si. SAC ralkap hna cu 23 July zinglei 4:30 ah Dammathaya khua cu lut in umhmun an khuar i, nihin zing ah inn an khangh hna, tiah theih a si. Khuami pakhat nih cun, “Dammathaya khua cu SAC nih nihin zing ah an duah i, inn 7 a kaang cang, tiah kan theih. Zeizat a kangh bel fiang in theih a si rih lo,” tiah a chim.

 

Culio ah Sagaing ramThen Ngathan khua le Shwehlan khua cu July 24 ah luhhnawh in tualchung mi 13 an tlaih hna, tiah tualchung mi nih Yangon Khit Thih ah an chim. “Tanhse peng Ngathan khua le Shwehlan khua cu SAC ralkap nih an luhhnawh i khuami 13 an tlaih hna. Khuachung ah zei dah a cang ti cu fiang in theih a si lo,” tiah tualchung mi pakhat nih a chim.
credit;The Chin Post