Kalay In Laitlang Ah A Kai Mi SAC Ralkap Motor 30 Renglo An Si Cang

Kalay in Laitlang ah a kai mi SAC ralkap motor 30 renglo an si cang. SAC ralkap motor 30 renglo cu nihin October 11 ah Kalay in Laitlang lei ah an kai than, tiah kan theih. Hi hna pawl hi motor 40 renglo in October 8 lio ah Gangaw in Kalay an rak phan. Raltuknak motor zong aa tel. October 9 lio ah motor 15 hrawng le raltuknak motor 2 cu Tedim lei ah an kal nain October 10 ah an kir than i Falam lei ah an kai than, tiah kan theih.

Atulio hi Northwest Commander Phyo Thant cu a rian an phuah i an hren hnu ah amah ai-awh ah Sangain le Chinram ah minung 2 an chiah hna lio a si. Rel chap – Hakha Rungtlang 266 Ralbawi a P.A. le driver an zaam October 9| Hakha Rungtlang um 266 sakhaan in Deputy Commander Brigadier General (North-west Commander) Myo Htut Hlaing Personal Assistant (PA) le a motor khaaltu (driver) an zaam, tiah

CHRO sin in theih a si. Mah hna pahnih an zaam hnu ah SAC ralkap pawl an lungrawk ngaingai i cu kong cu a leng chuahter hrimhrim lo ding in an rengh hna, tiah kan theih. Cu hnu ah Chin Ramkulh SAC phu Chairman Pu Ngun San Aung le Rungtlang um SAC ral an nupile tiang in meithal an pek/tlaihter hna tiah kan theih. Hakha ah COVID-19 zorlei a panh lo ruang ah October 15 thok in zarh hnih chung lockdown chiah than timh

October 10| Hakha khua ah COVID-19 zawtnak zorlei a panh khawhlo ruang ah aralai mi October 15 thik in zarh hnih chung lockdown an chiah than lai, tiah kan theih. Nihin October 10 ah meeting kan tuah. Thaizing October 11 in 14 kar ah lockdown chung zulh ding pawl mizapi sin ah kan thanh te lai. Khuami mizapi nih zulh cio khawh i zuam te usih. Crd – THT