Kahdohnak Fak Piin A Chuak

Sagaing ramtthen, Myinmu Peng, Hti Saung khua le Ayartaw khua karlak ummi PDF sakhan 2 cu SAC ralkap hna nih April 29 zinglei Sml 2:00 ah an luhhnawh i kaphnih kahdohnak a chuak, SAC ralkap a thimi le a hliam mi an tam tiah theih a si. April 29 zinglei Sml2:30 in a thok i Myinmu peng, Sagaing – Ayartaw pengkomh apeh nak lam Htin Kaan(ထိန်ကန်), Nga Kin(ငါကင်), Min (မင်း) khua hna ah.

SAC ralkap nih hmunhma kan thianh lai tiah an rak ra, SAC lei in a thimi an um, a pawngkam um Kaantaw khua ah SAC ralkap hna umhmun an khuar i khua cu an duah tiah theih a si. Hti Saung – Ayartaw(ထီးဆောင်း- အရာတော်) lam um Kaan Taw (ကန်‌ေတာ်)khua le Nga Kin ( ငါးကင်း) khua pawngkam hna ah a um mi.

Myint Mu Defence Force le GTR MMU mipi ralkap hna sakhan cu an luhhnawh hna, Hti Saung – Ayartaw lampi le Monyua – Mandalay lampi hna ah mipi hna nih tlunkal rih lo ding in Myint Mu Defence Force le GTR MMU phu hna nih cathanh an chuah. Phu 1 i hruaitu changtu a nunak a liam, SAC ralkap hna cu ke 12 ngei mawtaw in an ra i bomb puahhnawh an si . Kaphnih kahdohnak a chuak, a tu cu hnu an tolh i.

SAC ralkap hna cu Kaan Taw sianginn chungah an um i khuachung inn hna cu an duah ” tiah mizapi ralkap phu 1 nih an chim. Kahdohnak a chuahnak Kaan Taw khua le Nga Kin khua hna pawngkam ah SAC ralkap helicopter a zuan thawng kan theih thiah khuami hna nih an chim. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum