Kahdohnak Ah SAC Ralkap Tampi An Thi

Mindat kahdohnak ah SAC ralkap 5 an thi, tampi nih hliamhma an tuar. Mindat kahdohnak ah SAC ralkap 5 an thi, tampi nih hliamhma an tuar Chin ramkulh, Mindat peng, Mindat-Matupi lam cungah SAC ralkap le CDF-mindat jarlak ah May 4 zaanlei ah kahdohnak a chuak i SAC ralkap 5 an thi, tampi nih hliamhma an tuar tiah CDF-Mibdat nih a thanh.

Mindat-Matupi lamcung, zaanlei sml 3:00pm hrawng in sml 5:00pm tiang kahdohnak a fak tiah CDF-Mindat thawngthanhnak lei rianngeitu Salai Ha Om nih DVB ah a chim. SAC ralkap 200 hrawng a phormi mawṭaw 73 cu kan kah hna. A naih tein kan bawh hna. An mah lei in 5 an thi i tampi nih hliamhma an tuar. Kahdohnak lioah nikhua a chia tuk i kan kirtak hna. Kanmah lei ah.

SAC ralkap nih thazang tampi in kahdohnak a tuah hi a voithumnak a si cang. A voikhatnak kahdohnak an rak thok lioah Mindat-Matupi lam cungah a ummi khuate vialte an thlok dih caah khuami hna himnak hmun le ralzaam camp ah an zaam dih. Khuate a zaammi zat le minung cazin bel a fiang in kan thei lo” tiah DVB ah a chim.

Thawngpang Dang: Hramhram in uknak lak a sihnu kumkhat lengah thawngzamh rianṭuantu 143 tlaih an tong SAC nih hramhram in uknak a lak hnu kumkhat leng chungah thawngzamh lei rian a ṭuanmi 143 nak tlawm lo tlaih an tong i thawngzamh rianṭuannak zung 11 hrawng license phih an tong tiah Institute for Strategy and Policy Myanmar (ISP Myanmar) nih a thanh.

May 3 ah a tla mi World Press Freedom Day ah ISP Myanmar an report chungah Myanmar ram thawngzamh lei rianṭuantu pawl cu a luancia kum 30 chungah tol bal a si lomi hremnak cu SAC chan ah tuar a si tiah a langhter. Tlaihkhih a tongmi thawngzamh lei rianṭuantu 143 chung in 82 thlah ṭhan an si cang nain a taangmi 58 cu a tutiang hren an si rih ko tiah a langhter.

SAC ralkap nih hramhram in uknak a lak hnu ah thawngzamh lei rianṭuantu 3 an thi cang tiah ISP Myanmar nih a chim. Tlaihding in Warrant chuah a tongmi zong an um i a luancia 2022 January 1 in April 21 chungah thawngzamh lei rianṭuantu 34 nak tlawm lo an tlaih hna tiah ISP Myanmar nih a langhter. Crd – TClP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum