Kahdohnak Ah SAC Ralkap 15 Tluk An Thi

Sagaing ramtthen , Shwebo peng nihin April 29 zaanlei ah SAC ralkap, pyusawthi le tualchung hriamtlai phu kar kahdohnak ah SAC ralkap 15 hrawng an thih caah Gya(ကျား) khua an khangh tiah tualchung media nih a langhter.  April 29, zaanlei suimilam 5:00 hrawng ah Shwebo peng Myinsi (မြင်းစီး) khua ummi SAC ralkap le pyusawthi minung thazaang 30 leng cu.

Gantakung(ကန်သာကုန်း) lam zul in an kallio ah ShweBo Fighter One le One Day Revolutiong Force, Fighter Dargon, Hero army KhinOo le Brother Of lands Defence Force hna nih an kah hna caah SAC ralkap 15 tluk an thi i hliamhma tuar an tam, tualchung hriamtlai phufonh lei hliamtuar um lo in hnu an tolh kho tiah Shwebo Fighter One nih a thanh.

Shwebo peng Gya (ကျား) khua chaklei cu nihin zaanlei suimilam 5:00 hrawngah SAC ralkap le pyusawthi nih an luhhnawh i an khangh, SAC ralkap motor nganmi khat in hriamtling he khuachung ah motor an chiah i Gya (ကျား) khua, Pawnglaykung(ပေါင်းလဲကုန်း) le Latyakung(လက်ယာကုန်း) khua hna cu an luhhnawh tiah tualchung mi nih an chim.

A luancia April 14, Myinsi(မြင်းစီး) khua pyusawthi sakhan cu tualchung hriamtlai phu nih luhhnawh in an rak kah hna caah pyusawthi 3 an thi, hriamthil zong kan lakkhawh tiah Shwebo Fighter One phu nih an thanh. Ayarwady Tiva Kam Kahdohnak Ah SAC Ralkap 6 Hrawng An Thi, PDF 1 A Nunnak Liam Sagaing ramtthen , Watlat peng Ayarwady tiva kam ah.

SAC ralkap le tualchung hriamtlai phu kar nihnih chung kahdohnak a chuak i SAC ralkap 6 nak tlawmlo an thi i tualchung hriamtlai phu in minung pakhat a nunnak aliam tiah Nattawng Naga(နတ်တောင်နဂါး) pah-kah-phah nih an thanh. April 27, zinglei ah Shwebo peng nichuahlei Kyaukmyaung(ကျောက်မြောင်း) peng Makhoh(မခေါက်),

Mala khualei ah SAC ralkap nih rallam an sial caah tualchung hriamtlai phu hna he kahdohnak a chuak, Kaphnihkar minutes 15 tluk kahdohnak a chuah hnu ah SAC ralkap hriamngan kahnak in tualchung hriamtlai phu chungtel minung 3 hliamhma an tuar i pakhat cu a hliam a fah caah a nunnak a liam tiah an langhter. Zaanlei ah SAC ralkap nih Makhoh(မခေါက်) khua ah minung thazaang chap in cu khuapawng umhmun khuar in an umlio ah tualchung hriamtlai phufonh nih an kah tthan hna i.

SAC ralkap 6 an thi, 4 fakngai in hliamhma an tuar. SAC ralkap hna cu khuachung ah kir in mipi umnak inn cheukhat an khangh tiah Nattawng Naga(နတ်တောင်နဂါး) pah-kah-phah nih an thanh. Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah.

NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum