Kahdohnak Ah Ralkap Thimi Zat Thei Colh A Si

Myanmar ram pumpi in dohthlennak tuah hnu May 3, 2022 nikhat chung kahdohnak ah SAC ralkap 55 an thi i PDF 6 a nunnak liam tiah Yangon Khit Thit nih a thanh.Cazin ning ah SAC ralkap a thi hi Sagaing ramthen Mawleih (မောလိုက်) ah 4, Myinmu ah 21, Thicheih ah ah 6, Myaung ah 4, Yinmapin ah 3, Yangon ramthen Kawhhmu(ကော့မှူး) ah 2

Myandalay ramthen ah Kyaukse ah 1, Magway ramthen Pauk ah 1, Chin ramkulh Chungcung le Dokthek kar ah 13, an dih lak 55 an si. PDF lei in Mandalay khuchung hotel pakhat ah 5 an nunnak liam i Hakha peng kahdohnak ah Chin ralkap 1 a nunnak liam. Myaing Peng Ah SAC Ralkap Nih Mipi Inn An Khangh

Magway ramtthen, Myaing peng ah SAC ralkap le pyosawtee thazaang 70 leng nih May 1 ah khan Ywa Tit Gyi (ရွာသစ်ကြီး) khua inn 71 an khangh i phungki sianginn ah um mi refrigerator le computer le thliri pawl an hrawh dih tiah tualchung mi nih an chim.

” Inn an kan khangh piak, phungki sianginn i ummi refrigerator le computer si seh a dang thilri dihlak an hrawh dih, i zaam pinak caan hmanh kan ngei lo. Ruah lo piin si kaw kan sungh mi a tam, SAC ralkap nih ram pumpi in mipi ngeih mi an hrawh,” tiah Ywa Tit Gyi khuami pakhat nih a chim.

SAC ralkap nih Myaing peng Tikung khua(သီးကုန်း) Nyaungpin(ညောင်ပင်), Tapuat(သပွတ်), Sanpiah(စံပြ), Zipyotakaung(ဇီးဖြူတကောင်း) khua hna zong an khangh i peng 84 in khuakomh tampi an khangh ruang ah a rawk mi a tam ngaingai tiah tualchung mi sin in theih a si. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum