Kah an tonnak hmun pawng kam cu SAC ralkap le palik nih lam an kham i,

Mandalay khuapi lam No. 30, 57 le 58 kar, Grand Mandalay sii-inn pawng ah nihin August 23 zing sml 8:50 hrawng ah CID palik bawi le a nupi cu aho hngalh lo mi hriamtlai nih meithal in kah hna i an thi, tiah theih a si.”Thah a tongmi pahnih cu ngakchia sianginn a thlahmi an si i, an tin lei ah meithal zun li in an kah hna,” tiah mithmutu pakhat nih a chim,Kah an tonnak hmun pawng kam cu SAC ralkap le palik nih lam an kham i, checkhlatnak an tuah, tiah theih a si.Mandalay ah nizan August 22 ah SAC kuttang Sipin zungriantuan pakhat le dalan pakhat zong thah an tong cang.

 

Relchap,Sagaing ramthen, Kanbalu peng Hmawtaw khua in SAC ralkap le Pyusawhti cu an chuak i, Shwebo Battalion 16 nih drone in bomb an thlak hna caah Pyusawhti 3 hliamhma an pu, tiah theih a si,Cu pin ah Hticheik peng, Yephyolwin khua pawng ah SAC ralkap, Pyusawhti, Kathar pengkomh PDF le tangti Hticheik PDF kahdohnak ah SAC ralkap lei in 10 an thi, theih a si.

 

Cu kahdohnak ah cun PDF ralkap 2 hliamhma an pu. SAC ralkap pawl cu Yephyolwin khua ah an lut i, inn an khangh, tiah runvennak zung nih cathanh an chuah,Sagaing ramthen, Intaw peng August 20 ah Intaw-Kyawngkone lampi ah SAC ralkap 50 hrawng cu KIA, PDF le Pah Kah Pha hna i bawm in zing sml 9:00 le zanlei sml 2:00 ah voi hnih an kah hna caah SAC ralkap 6 an thi. KIA ralkap 1, PDF ralkap 1 le Pah Kah Pha in ralkap 2 an nunnak a liam ve, tiah Indaw Revolution -IR nih an thanh.

 

Karen Ramkulh Kahdohnak Ah SAC Ralkap 3 An Thi, PDF Ralkap 1 A Nunnak A Liam: Karen ramkulh, Myawaddy-Wawlay motor lampi ah nizan August 22 ah kahdohnak a chuak i, SAC ralkap 3 an thi i, PDF ralkap 1 a nunnak a liam ve, tiah Cobra Column nih cathanh an chuah,Myawaddy-Wawlay lampi cung ah humhimnak kan lak i, SAC ralkap Tatma 44 nih August 22 zing sml 9:30 hrawng in zanlei sml 5:00 tiang an kan kah, kan hmunhma chuh an kan timh. Miakpi, hriamngan le hriamhme he an kan kah. SAC ralkap cu 3 an thi i, hliamhma tam ngai an pu, tiah Cobra Column nih an langhter,Cu kahdohnak ah cun Cobra Column in ralkap 1 hliamhma a pu nain thinphan awk a um lo, tiah Cobra Column nih cathanh an chuah.
Credit;The Chin Post