Inn 270 Leng Mei khanghpiak An Tong

SAC Ralkap nih ni 3 chung ah Sagaing ramthen, Minkin peng chung Than Pauh, Yin Ka Lay le Luang Pyih khua 3,inn 270 an khanghpiak hna tiah tualchungmi hna nih an chim. Tan Pauh khua cu April 25 ni ah SAC ralkap Khah – Mah – Yiah 87 thazaang 150 leng le Phyo Saw Htee hna nih PDF an um ti in hriamngan in an kah hnu ah mei in an khangh. ” Tan Pauh (သံပေါကျ)khua cu mei an khangh ah hin datsi in an toih i cu hnu ah an khangh.

Khuachung ah a tang i a chuak kho lo mi hna cu PDF hna nih an bawmh hna i an chanh khawh hna. Inn 300 hrawng a si mi Tan Pauh khua cu SAC ralkap hna an luh hlan in khuami cheukhat cu an zaam i khuachungah cun PDF le khuami cheukhat an tang. khuachung ah SAC ralkap nih bomb an hmah i khuami zong an zamnak hmun in an tlung kho lo caah ralzaam hna caah eidin hna cu.

PDF hna nih an bawmh hna tiah tualchung mi pakhat nih a chim chap. Cu hmun hrawng cu SAC ralkap Khah – Lah – Yiah 87 thazaang 150 leng an um i SAC ralkap le Myanmar Defense Force – MDF, Sagaing PDF, Minkin PDF, Maharmik PDF phu hna cu April 25 in 27 tiang kahdohnak pehzulh in a um. Cu thil a cang mi kong cu SAC ralkap lei nih cathanh an chuah mi a um rih lo. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum