India-Myanmar ramri Mizoram ramkulh, Champhai peng ah August 19 ah Myanmar mi 2 sin in rithaisi le bing 14 gram

kan tlaih, tiah Mizoram rithaisi khamtu phu nih an thanh.Rithaisi he tlaih a tongmi Myanmar mi 2 hna cu Tedim peng, Thinglei khuami Thang Sian Khai,

 

kum 26 le Zam Lam Sum, kum 24 an si. Tlaih a tongmi pa pahnih nih cun 125 Kenbo cycle in rithaisi cu an phorh i, lampi ah an tlaih hna, tiah theih a si.August 18 zong ah khan Champhai ah, bing 65.52 gram cu Mizoram mi pakhat sin in an tlaih, tiah theih a si. Tlaih a tongmi hna cu Upadi ning in an sualkawl a si.

Relchap,Kalaymyo Ah SAC Ralkap Nih Pyituhsit Sin Ah Cycle 120 An Pek Hna!Kalaymyo ah SAC ralkap nih anmah lei a tangmi pyituhsit pawl sin ah nizan August 19 ah motor cycle 120 an pek hna, tiah SAC kong thawngthanhnak a tuah tawntu telegram le social media hna nih an tial.

Kalaymyo Regional command headquaters Aung San Hall ah nizaan August 19 ah biaruahnak an ngeihpi hna i motor cyecle(125/110) cu an pek hna, tiah theih a si,Cu bantuk in nihin August 20, Magway ramthen, Pakokko peng zong ah Pyituhsit hna cu SAC ralkap nih motor cycle an pek ve hna, tiah SAC ralkap lei tangmi telegram nih an țial.

 

Thawngpangdang,Khualtlung cazin atu le tu hlatnaknak a tuahtu, Yangon ramthen North Okkalapa peng no.2 sang inn za uktu, Taung Dan cu hngal lo mi hriamtlai pakhat nih an kahthah, tiah tualchung mi nih an chim,Taung Dan cu Nihin August 20, zinglei suimilam 11:00 hrawng ah North Okkalapa peng, no.2 sang Tumala lam 8 nak ah an kahthah, tiah tualchung mi nih an chim.

“A lu i an kah caah kah a tonnak hmun ah a thi colh, amah cu sangchung mi hna sin ah mei man a khawlhtu le khual cazin checknak a tuah zungzaltu a si,” tiah sangchung mi pakhat nih a chim,SAC ralkap hnu zultu khuabawi le inn za uktu hna cu an rian ngoltak ding in, Tualchung hriamtlai phu hna nih voi tampi ralrinnak an pek cang hna, tiah theih a si.
Credit;The Chin Post