India-Myanmar Ramri Gate

Myanmar ram in India ram ah phunglut lo thilri lutmi a tam tuk caah May 1 thok in India-Myanmar ramri gate cu sml 24 chung cheknak kan tuah cang lai, tiah Mara zatlang bu nih April 27 ah cathanh an chuah. 2021 February 1 ah kawl ralkap nih mizapi nawlngeihnak cu hramhram in a kan chuh, Cu ruang ah kawl miphun pawl zong an duhlonak an langhter, zung rianṭuannak in an chuak, CDM an tuah hna i hriam tiang an tlai ve.

Uknak an lak caah mizapi cu an inn le lo an chuah tak hna i India(Mara) leiah an rak zaam i kannih nih miphun, biaknak thleidannak um loin kan si khawh chung in kan zohkhenh hna, tiah an langhter. Sihmanhsehlaw ramri gate in zu, rithaisi le phunglut lo thilri hna cu an rak luhpi lengmang caah kan lung a ṭha hrim lo. Hiti an rak luhpi caah kan ram chungah sualnak a tuahmi an tam i harnak kan tong.

Kan zatlang bu le kan umnak hmunram a hnorsuangtu hriamthil zong voi thum kan tlaih cang, India cozah nih a onh lomi cu kamanh zong nih kan onh ve lo. Cucaah 2022 May 1 thok in MTP General Headquarters (Siaha) le MSO General Headquarters (Siaha) i fonh in Sub-Headquarters hna le Branch dang hna he ramri gate a simi Siasi, Chapi, Zyhno, Laki, Khaikhy, Lobo cu nikhat chung cheknak kan tuah cang lai, tiah cathanh an chuah. Ramri gate ah phunglut lo thilri nan luhpi ahcun kan zatlang phung ning in biaceih nan si lai, tiah an telhchih. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum