Hi Pa Nih Hin CNA/F A Ti Hna Ning A Fak Tuk Zoh Sawhsawh Ding A Si Ti Lo Hih

Ukraine President Zelensky nih” daihnak kan hmuh tthan lai, daihnak cu kan mah sinah a kan peek than lai i, kan mah kut ah a phan tthan lai. Ukraine ram nih teihnak a hmuh nak cu vawlei cungpi ah a um mi, mi kip caah a zami, aa tlak mi a si lai i, Mikip caah hnawhnawh buainak, zumh lo awk a um lo mi teinak a si lai.

CDF-Thantlang in Salai Hrang Lian Hnin nih ram ca ah a nunnak a pek May 7, 2022 CDF-Thantlang ralkap Salai Hrang Lian Hnin (Kum 25) nih May 5, Chinram chung raltuknak hmun pakhat ah ram le miphun ca ah a nunnak a pek. CDF-Thantlang nih nihin, May 7 ah Salai Hrang Lian Hnin upat peknak le chungkhar ngaihchiatpinak ca an chuah.

2022 May 5 raltuknak ah CDF-Thantlang in Salai Dawt Tha Cung, Salai Thawng Tha Peng le Salai Tha Hlei Sang zong nih ram ca ah an nunnak an pek i CDF-Thantlang nih upatnak le ngaihchiatpinak ca an rak chuah cang. May 5 ah CDF-Thantlang in ralkap pali nih nunnak an pek tiah kan theih. TheHakhaPost

Taal Le Thlanrawn Kar Kahdohnak Ah SAC Ralkap 10 An Thi Nihin, May 6 zing slm 10-11 hrawng ah Falam peng Taal le Thlanrawn kar ah SAC ralkap le Chin ralkap an i kap tthan i SAC ralkap a tlawmbik 10 cu an thi lai tiah kan theih. Nizaan,May 5 Falam peng, Tlangzar kahdohnak ah Chin ralkap 10 an nunnak liam ( The Chin Post nih 7 kan fehter khawh) i SAC ralkap 18 an nunnak a liam ve.

Nihin, May 6 ah Chin ralkap (CNDF) nih kahdohnak a chuak kho a si caah Hakha le Falam kar hohmanh nih zulh lo ding in mizapi sin theihternak an tuah. Tuni, Kahdohnak ah Chin ralkap thi le hliamtuar um loin hnu an kir kho. Cawmtu Le Dawtu A Hngalh Bak Lomi MAH le Ralhrang Rallokap. Credit: The Chin Post

Uico le Rallokap (MAH) te tahchun mi kong ka ruat tawn. Uico cu a bawipa a theih, a cawmtu a cing, a bawipa Ie a chungkhar zong a hngalh dih hna. Abawi pa nunnak achanhtu uico hi tuanbia ah tampi kan hmuh khawh. Cawmtu le dawtu ahngalh bak lomi MAH te Rallokap le uico kan tahchun tikah UICO caah a fak khun ko. Uico tiah vung ti awk hmanh ah aatlak hrim lomi MAH le Rallokap an si. Uico nakin a niam deuh mi sining le dirhhmun a ngeih mi MAH le Rallokap an si ko lo ma? Duh Bochuhmuci Soe Win nih Irrawaddy Times ah a chimh mi bia hi tuak tikah Rallokap cu Uico nakin an niam deuh kha hngalh khawh asi. Rallokap nih pekmi a ei mi vialte nih Rallokap dawtnak nan hngalk bak a herh ati.

Rallokap ah titsa nan ngeih lai I, Rallokap caah nan thih ngam a herh ati diam ko. Lotlau bak asi. Falam dan in LAIMI KAN CEM ti cu hi vek asi. Hanthawaddy U Win Tin nih Rallokap dawtnak cu zurit buin hnimh awk um lo tiang in asi ati. Anmah Rallokap phaisa in an cawm hna bangin bia achim. An hngalh lo ning le an hrut ning hi cu apit bak ko. Chimh awk um lo tiang in pumpi hruh in a hrut mi Soe Win le Rallokap Lubo rual an si ko lo ma. Ralkap sawhsawh cu thih men ding in Ralram ah an kuat hna. Ahmei mi Rallokap pa nupi cu meithal an pek I sentary an cawng ter. Rallokap an fa le rual zong an duh na loin raldohnak tindan an kai ter hna.

Ava nih athih tak mi Rallokap pa innchung nu zong cawmcawh fung an zuk hna I cuticun nupi ah an I ser. Baibol um hlawhhlang nu (Profet Hosea nupi) camcawh fung zuk bang le maw, ka thin hi aw. Rampi phaisa in an cawm ko hna mi cu, anmah Rallokap bawizik hna nih cawm Bantukin an cawn piak hna, salchiat bik bangin an fial hna, an thih zong ah apawi lo an ti. Ram le miphun caah thih ding in bia an kam ter hna nain, Ram le mipi Thattu ah an sersiam hna. Rallokap bawizik rual rumnak le bawisi zungzal nak caah an nunnak an pek ter hna. Cucu miphun le ram caah nunnak an pek hna tiah an hlen hna.

Mipi thlanti le thisen man asi mi ngunkhuai cu hmang in, rampi phaisa vialte cu hmang in, Mipi thahnak ah ahmang tu nih cun maw, Rallokap cu an cawm tak ko. Mipi zong Rallokap nih kan in cawm hna an ti ngam rih. Pu Soe Win le MAH te hi an fim ko ahcun, minung an si ko ahcun, Uico tluk an si ko ahcun, Mipi tirawl le phaisa in cawmmi Rallokap an si hi an hngalh a herh.

Cucu an hngalh hlan lo cu UICO an tluk khawh bal lai lo. Minung si hi cu chimh hau lo asi ko. Dawtu le cawmtu mipi hngalh lo mi nih cun maw ram ka dawt an ti ngam ve. Uico hmanh atluk lo mi MAH le Rallokap he aa Hawikom mi, Dr. Hmuh Thang, Dr. Andrew Ngun Cung Lian, Dr. Ba Mg, Pu Ngun San Aung (Thang Thang Pa), Pu Zo Peng, Pu

Thla He, Bochu Chhipa, ZRA le MDF hna nih, ZA UK pennak le duhdim nun kan tlunpi lai an hei ti ngam rih, ningzak hi hngalh pah tua uh, minung nan si ko ahcun. Milai Dr pipi nih Uico nakin aniam deuh mi dirhhmun I thimh zong cu a nuam nan ti ko maw zei?

Dawtnak le dawtu nan hngalh ko ahcun, Mipi titsa phoah nan si lo ahcun, Mipi sin ah nan um awk asi. Mipi Sifahnak le Retheih nak tu kha nan I thimh deuh awk asi. Mah Sunpar nak lawng duh, mah bawicannak lawng khuakhan, Ralhrang MAH he I Hawikom hei ti te hna cu, nan zemlo van ṭha, that viar ding lawngte, hloah viar ding lawngte, nu paw chung in a ti in zuk ding pawl lawngte nansi ko.

Nannih an hrintu sunghno nu cu mi vanchiat a si ko. Mipi ah titsa ngeih loin, MAH le Ralbawi zik sin ah saal tu nan ṭuan. Pa bik nih Rallokap asi caah, kan dong te in Tazinhmuh pa nupi hni suk viar cu aw, apoit tuk ko. Kan nunnak, kan thisen, kan meithal, kan Ralkap nunnak, Vanlawng kahnak, miapi tbk cu nan lak khawh ko lai nain, kan lungput le hmuitinh cu nan thah khawh lai lo. Ralhrang Rallokap cihmih awk ah kan hmuitinh le lungthin, Mah tein khuakhan Lairel nak phung asi mi Federal pennak tlinter awk hna cu nan thah in nan ngawl ter khawh bal lailo. By Zingtincuai Cinzah

Khi tikah ramkhel le chawlehnak cu pahnih in Vawleicung ram pumpi upadi nih a zulh lai i, an mah pumpak in lunhtlinh mi min  thut mi pawl cu a cohlang rih lomi nih zofel a si te lai. Ukarine cu thlahra chung kahdohnak a ton hnu ah Russia a cohlang mi vawleicung ram thawng bomhnak peek nak ah,

Ukraine kong tonbiaruah ceihhmainak nih kan mah i, kan ram, Europe ram le zalonnak a hmu mi vawleicung pi teinak hmuhnak dingah lam cungah a um mi nih tettee an kan hmuh ter kho. Kan ram cu tlamtling tein zohkhen khawhnak cu pehzulh in kan sinah a um tthan ko lai. Kan nih cu lungin sakmi in pakhat ah kan um. Vawleicungpi ram le mipi hna nih a kan doh tu cu sungh dingah thazang an kan peek i, an kan cohlan.” tiah a chim. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum