Halkha le Timit kar, ramlak zongah umkal i ralrin cio hna uh sih,

Halkha le Timit kar, ramlak zongah umkal i ralrin ding si lai.Taanzin se hospitalzungah Timit hlei donh ding ralhrang zanthum riak hna kha, nihin zingka in an tlau tiah ka rak post cangmi ah khan, tuhi Ramtoi in Timit lei ah an kal tiah thawng theih si caah vahvaih le umkal i ralrin cio ding si lai. Midang hna nih an theih cio khawhnak hnga hare tuah cio ulaw,

Rihkhawdar Camp Cu CDF-Hualngoram Nih Nihnih Chung An KahChin ramkulh, India-Myanmar ramri Rihkhawdar SAC ralkap camp cu CDF-Hualngoram nih July 25-26 tiang an kah, tiah theih a si.CDF-Hualngoram nih khuachung kahdohnak an tuah i, Rihkhawdar ralkap camp cu kan kah. SAC ralkap nih a dik lo ning in minung pali thihdan an pekmi hna ca ah teirul kan chammi a si, tiah CDF-Hualngoram nih cathanh an chuah.

A voikhatnak i kahdohnak cu minutes 40 hrawng a rau, a voihnihnak kahdohnak cu minutes 20 hrawng a rau. Cu kahdohnak ah CDF-Hualngoram nih hriamngan he hriamhme he kan kah hna caah SAC ralkap a thimi le aa hliammi kan thei rih lo. Kanmah leiin a thimi le aa hliammi kan um lo, tiah an langhter,

Relchap, Khin Oo peng Latpanhlah Khuami 2 SAC Ralkap kut In An Nunnak A Liam I inn 20 Leng An Khangh!: Sagaing ramthen Khin Oo peng Latpanhlah khua cu SAC ralkap nih civil thuam he nihin July 27, zinglei suimilam 9:00 hrawng ah luhhnawh in khuami 2 an thah hna, tiah tualchung mi nih an chim.SAC ralkap nih khuami Ko Tin Moe Win cu an kahthah hnu ah kum 80 tluk upa cang mi Daw Phua Si cu mei in an khangh than. Cu hnu ah khuachung inn 20 leng an khangh, tiah theih a si.

“Nihin July 27, zinglei suimilam 9:00 hrawng ah SAC ralkap hna cu khuachung ah civil thuam he PDF lemcang in an lut i, Ko Tin Moe Win cu an kah thah. Cun kum 80 a luan cang mi Daw Phua Si cu mei in an khangh leng ah khuachung mizapi inn 20 leng an khangh,” tiah khuami pakhat nih a chim.SAC ralkap hna nih Khin Oo peng Latpanhlah khua an khangh hnu ah Lawngshi khua an luhhnawh than, tiah theih a si.

Hpakant Ah Min A Cimh Caah Lungvar Kawlmi 2 An Nunnak A Liam!: Kachin ramkulh, Hpakant peng Saitmukhuakomh, Muka khua in Sapawhkhua lei kalnak lam tidil pawng tlangpang cu nihin July 27, zinglei suimilam 9:00 hrawng ah a cim i, lungvar kawl lio mi 2 cu vawlei nih a cimh hnawh hna caah an nunnak a liam, tiah tualchung mi pakhat nih a chim.

 

A thimi pahnih hna cu lungvar an khoih lio ah an cunglei in vawlei nih a cimh hnawh hna caah tidil chung ah an tla. Mincimh ruangah nunnak a liam mi pahnih hna cu Muka khua mi Maung Naw Naw le Myitgyina khua mi Maung Ma Dan an si, tiah tualchungmi nih cun an chim.Hpakantlungvar kawlnak hmun ahhin mincimhnak atu le a tu a chuah caah, lungvar kawlmi tam ngai nunnak a liam cang, tiah theih a si.