Hakha Timit kahdohnak Timit Operation ah kan ralkap an baa ngaingai cang. Rawlei tidin caan hmanh an ngei kho lo,

Hakha Timit kahdohnak Timit Operation ah kan ralkap an baa ngaingai cang. Rawlei tidin caan hmanh an ngei kho lo, zingzan ihcaan an ngei ti lo. Ruahsur lakah cangvat le fikfa lakah kan pasaltha hna an temtuar ning hi hmurka in chim khawh asi lo. Meithal kuan an chambau, meithal kuan, hriamnam an herh tuk lio asi rih.

 

 

Atu Hakha Timit kahdohnak ah Col. Pu Solomon Thangzing nih hitihin achim, Kan ralkap hna hi an ralthat ning, pum an I pek ning hi an mak taktak. Lam ah an rat lo ahcun khuazei ahdah an um tiah an umnak a kawl bak in an kawl hna. Ralhrang nih hin cunglei vanlawng in an kan fuh lengmang nain, chum a tamtuk caah Pathian thawngin bomb an kan thla kho lo. Nizan kahdohnak thawngpang bantuk in nizan cu meithal zong an lak khawh.

 

Ralhrang hna hi hnulei an ithawn peng, kan ralkap nih an dawi peng ve hna. Cuticun chun zan bak in duty an ciah I an pel peng hna. Tulio raldohnak ah hin chun zan it lo, ei lo in an um caan a tamtuk cang I, an bat tuk cang caah buh le sa thaw ei kho hna sehlaw ti hi kan duh ngai. Cu caah thazaang kan pe rih ko u. Atu zong ralhrang hi motor 2 in Timit lei an ra than. Nizan kan ralkap bawino cu a meithal kuan a dih cang caah aa kenmi namtong aa zuh I ralhrang pa cu a sam I athah tiah a chim.

Kan ralkap bawino cu a meithal kuan a dih cang, cu lio ah Ralhrang bawi nih pistol in a vun kah i, pistol a puak kho lo, cutikah kan ralkap bawino nih nam in a vazuan hnawh i, a thah. Atu hi kan naule tampi cu Timit kahdohnak kan kal ve lai tiah heh an kan ti peng, biatak tein kan thloh hna. Cutluk cun kan ralkap hna hi miphun caah an raltha tiah a chim chap.