Hakha Sianghlei Ruun An Hun Cang

Hakha Sianghlei Ruun An Hun Cang Nain Ah Siang Inn Kaimi An Um Lo. Nihin May 5 2021 hi kawlram pumpi huap in le Hakha sianghlei ruun zong hramthok ding in ralkap cozah nih thawng a thanh nain a ho hmanh siang inn a kai mi an um lo. Nihin cu a hohmanh siang inn kai mi ka hmu hna lo. Sianginn kai mi zong an um lo tiah Hakha Siang hlei ruin saya pakhat Dr Lian Za Khup nih Chin World Media ah a chim.

Capar dang relchap. Ahohmanh nih zulh nan ka duh ahcun, nanmah le nanmah nan iphilh i nan vailamtahnak nan iput i nan ka zulh a herh.” Matthai 16:24 Khrih zulh a duhmi paoh cu kan vailamtah iput hna i kanmah thi dingin kawhauhmi kan si. “Nan vailamtah iput” ti a sullam cu mah duhnak, mah zawnruahnak le mah ṭhatnak thinlung put kha chiahtak/kaltak in.

Khrih nih a zultu hna towel in an ke a ṭawl hna bantukin toidornun, salnun in kan sining le kan zeizong pekchanhnak nun he midang caah rianṭuan asi.Taksa in thih le nunnak pek kha hi Bible nih chim duhmi siloin kan “vailamtah iput” ti cu hi vawlei thil duhfahnak le hakkauhnak thinlung thih tu kha asi. Vawlei cungah midang rianṭuanpiak dingmi thil tampi a um.

Cucu Bawi bantuk thinlung ngei in midang nih ka ṭuan piak hna seh ti thinlung kha siloin sal bantuk thinlung in midang caah rianṭuanpiaktu si kha Khrih nih zumtu hna a kan fialmi asi. Cucaah Jesuh Khrih hnu zulh na duh ahcun hi vawlei thilri na duhfahnak, hakkauhnak le mah zawnlawng iruahnak thinlung kha na hlawt/kaltaak hmasa a herh! James Vannei Lian