Hakha SAC Ralhrang Meithal a Zaampitu Mino Pa i a Pule Inn an Chuh Hna

Nihin July 23 ah Hakha, Khuathar sang ah a ummi Pu Man Thar te inn cu SAC ralhrang nih an chuh hna i an inn kutka ah catar zong an benh. SAC ralhrang nih Myanmar ram uknak an chuh hnu, CDF an dirh ka hrawng ah khan Pu Man Thar te i an tupa te nih SAC ralhrang pawl zu a dangh hna i an rit karlak ah meithal pakhat a lak i a zaampi khawh. Thil sining a theitu minung pakhat nih, “CDF an rak dirh

ka hrawng ah khan a si. An tupate nih ralkap pawl aa komhter hna i zu a dangh hna. Zu an rit karlak ah an meithal pakhat a lak i a zaampi. Cu caan thawk cun ralkap nih an chungkhar hi an kawl lengmang hna,” tiah The Chin Journal ah a chim. SAC ralhrang meithal a zaampitu Hakha mino pate hi himnak hmun ah a phaknak a sau cang. A pule Pu Man Thar te zong Hakha ah um loin hmundang ah an zaamnak a sau ngai cang, tiah thawng kan theih.

ICJ Nih Myanmar Ram Kong Ah Biaceihnak Nawl Kan Ngei Tiah Bia An KhiahICJ nih Myanmar kong ah Biaceihnak nawl kan ngei tiah July 22 ah cathanh an chuah.Rohingya miphun cihmih lainawnnak kong ah International Court of Justice( ICJ ) ah Gambia nih taza a cuai mi cu Myanmar nih biatung 4 in al nain Myanmar nih a alnak biatung 4 cu ICJ biaceihbawi nih a hnon hna.Cu caah Myanmar nih Rohingya miphun cu miphun cihmih a timh ko hna timi sualphawtnak ICJ ah biaceih a si
KhinOo Ah SAC Ralkap Cu Drone In Bomb Thlakhnawh An Tong, 2 An ThiSagaing remțhen, KhinOo peng PinTaung khua ah um hmun a khuarmi SAC ralkap le PyoSawHti hna cu humhimnak an lak lio ah, July 22 ah Future Hero phu nih Drone in kan kah hna i SAC Ralkap pahnih an thi tiah Future hero tuanvo ngeitu pakhat nih a chim.” July 20 zongah KhinOo peng PinTaung khua ah SAC ralkap hna umhmun an khuarnak Pyo khua PyoSawHti hna cu bomb lung 3 kan thlak hna i 2 an thi. Thingkung tang ah an țhu i ral an ven lio ah a si ” tiah Future Hero phu in tuanvo ngeitu pakhat nih a chim.