Hakha Rungtlang in SAC Ralhrang nih Pehzul in Timit lei ah Miakpi an Kah

Nihin chun sml. 12:00 hrawng in Hakha Rungtlang in SAC ralhrang nih Timit lei ah miakpi in an kah i atu zong minute 5 dan in pehzul in an kah thluahmah ko, tiah khuami hna nih an chim. “Atu zong hi innchung ah kan hm ko hna nain an kahmi thawng nih Hakha khua a kan tlerh peng ko. Khuachung ah ralkap cawlcanghnak cu kan hmu tuk lo,” tiah minung pakhat nih a chim. Timit hrawng hrang ah kap hnih kahdohnak a um le um lo fiang in kan thei lo.

SAC ralhrang nih Hakha, Rungtlang in miakpi in kah an bawmh hna. Asinain, kan miphun ralkap lei in a nunnak a liammi an um lo.
SAC ralhrang lei tu in hliamhma a pumi an um len i a thimi zong an um kho. Nihin zaanlei sml. 2:30 hrawng khan kahdohnak a hun dai. Asinain, zeitik caan poah ah i kahdohnak hi a chuak tthan khomi a si.Nihin kahdohnak in a kir tthanmi SAC ralhrang pawl hi Hakha khuachung ah an rak lut rih lo, tiah khuami nih an chim


Relchap,Timit kahdohnak theih chungmi vialah, hmunril uico pa nga a fiang i kee kiak tbk an um len nain a zat chimfian awk har rih.
Cun, Timit hleidonh nak thilri phor ding motor kha an i leet rua,tutiang Timit leiah motor a phami an um rih lo tiah theih si. #Tulio te hi cu an vun dai rih.

 

Nihin zinglei sml. 11:00 hrawng ah Timit phak hlan ah SAC ralhrang le kan miphun ralkap karlak kahdohnak a chuak i SAC ralhrang pawl hnu ah an kir tthan, tiah thawngpang kan theih.SAC ralhrang pawl hi Timit lamtthing, Rual-U thlan lei in Timit ah ttum an i tim i, lampi ah kan miphun ralkap nih an kah hna hi a si.

 

SAC ralkap nih mizapi nih thim mi Hluttaw palai 93 an tlaih hna i, cu chungah pahnih an thah hna, tiah CRPH nih nihin July 30 ah cathanh an chuah.Uknak an lak hnu in Hluttaw palai 34 tlaih an tong i 7 cu an luat than. Palai 27 belte an thlah rih hna lo.
SAC ralkap nih anmah lila nih an suaimi 2008 phunghrampi i tlaih in phung ning in a tling mi cozah an thlak i nawlngeihnak an lak, tiah upadi thiam sang hna an chim.

 

2020 thimnak a tlingmi palai pawl cu Hluttaw he aa pehtlaimi upadi lawng nih dan a tat khawh hna timi upadi he aa ral kahmi a si tiah CRPH nih a langhter.SAC nih uknak lak hnu in cheu khat MP an tlaihmi hna cu khoika dah an chiah hna ti zong atu tiang a thei lomi chungkhar an um rih.Atu bantukin SAC ralkap nih Hluttaw palai an tlaihmi hna kong ah UN nih hi bantuk an tlaihmi hna hi nuhrin covo an buar a si, tiah an langhter.

Credit;The Chin Post