Hakha peng hranhring khua nih CNA/F sin 50,000 pek chanh nak an ngeih mi kong lung ahmuituk

Halkha peng USA khuasa Hranhring khua nih CNA/F le CDF caah $ thongsawmnga (50,000) an pekchanh.
Mah le tikhawh tawk cio tein ram le miphun caah bau lo tein kan pekchanh le cawlcangh cuahmahmi zoh tikah lung a hmui kho tuk.

 

 

SAC ralhrang nih ngakchia pawl sianginn kainak Sianginn i sel in an kah mi kong ah NUG nih cathanh an chuah.
Zing (September) 16ni ah Sagaing ramtthen Depe Yin peng ah SAC ralhrang nih sianginn pakhat cu Vanlawng bak in an kah hna caah ngakchia 6 an thi hliam a tuar mi an tam.

 

 

Cun sianginn ah chuak ngam loin ai erh mi cawnpiaktu hna le siangngakchia an dihlak minung 20 hrawng cu an tlaih hna i an kak pi hna. Cu he pehtlaiin NUG vuanci zung pathum fonh nih hmunkhat ah cathanh an chuah.

 

 

SAC he Remdaihnak Bia ruahti nak a ngei mi SSPP/SSA phu hna cu SAC ralkap he an i do than cang.

 

 

 

Shan ram Moemyik myone ah Shan ram thancho nak Committee Shan ralkap a si mi SSPP/SSA phu hna cu an um nak chuahtak ding in SAC nih september 16 ni ah SangUkbawi sin in thawng an thanh hna na in an chuahtak lo caah’ SAC nih an kah hna tiah theih a si.

Moemyik myone Wan-ung. khua te in thlanglei um Huaikhan tlangthluan ah zahan september 17 zing ah SAC ခမရ(348)ခလရ(276) ai bawmmi ralhrang (60) hrawng he kahdoh nak a um mi ah ralhrang (3) thi in (5) hliam an put caah nihin ah SAC lei cu thazaang i chap in kaphnih i entai nak a fak ko tiah SSPP/SSA nih an thanh nak theih a si.

Cu lawng si lo in aliam cang mi July (1) lio zong ah Moemyik myone Moebung khua le Wan-ung khuakar ah kahdoh nak voi(1) an rakngei bal, SSPP/SSA phu hna hi SAC ralgrang hna he remdaihnak caihkhan ti nak i aitel mi phu an si.