Hakha Khuapi Thawngpang

Chin ramkulh, Hakha khua, cawbuk sang ah a ummi gate ah May 18 zaanlei sml 6:30pm hrawng in kahdohnak a chuak tiah theih a si. Cawbuk sang ummi pakhat nih “Zaanlei sml 6:30pm hrawngah kahdohnak a chuak. Kahdohnak hi sml cheu hrawng a rau lai. Kan umnak inn hmai le phungki sianginn thlang ah a ummi bawlung certual ah hriamngan a tla. Gate a hngakmi SAC chungtel pawl an hrumai thawng zong aa thei” tiah The Chinland Post ah a chim.

Cawbuk gate hi Chin ram kahdohnak aa rak thok hmasa biknak hmunhma a si i cu lio kahdohnak ah SAC ralkap 5 an rak thi. Relchap: American President Joe Biden Nih A Ralkap Pawl Thlah Dingin Biachahnak A Tuah Cang!! Al-Shabaab sahrang pawl cu phihkham tuk ding in Somalia ramah American ralkap pawl va thlah hna dingin Pentagon headquarters minthut hal mi cu American president Joe Biden nih biachahnak a ngeih nak kong cu May thla ni 16 ah a chiah tiah CNN thawngzamh nih theih ternak a tuah.

Mah thil tuah mi hi kum 2020 lio i, Somalia ram chunagh American ralkap pawl an zaa piin laak dih dingin President hlun Doland Trump biachahnak cu dohkhalh a si tiah theih a si. American cu Somalia cozah he i ceihhmai in nichuah lei Africa hmunram ah American ralkap pawl cu va thlah than nak hnga ding kong cu May thla ni 16 ah American ram nawl ngeitu pakhat nih thawnghaltu hna sinah theihternak a tauh tiah theih a si.

American ralkap minung 500 hrawwngcu Somalia ram ah vakuat hna dingin thawngpang a leng ko nain American nawl negitu hna sinin thawng fiang theih a si rih lo. A si nain Donald Trump cozah kut lio ah, American ralkap traning tuah mi 750 hna cu Somalia ram ah an kua tthan ti hna lai lo tiah theih a si.

Ngaihchiat tuk a si mi cu Al-Shabaab  sahrang hna nih American pawl cu ihmuihtinh in kah dingah timhlamhnak a ngei i, kah doh khawh nak thazaang an ngei lai ti cu ka ruah lo, tiah ka hmuh” tiin American in nawl mgeitu pakhat nih a chim. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum