Hakha khualipi zungvialte thial hi thil awl asi maw an thial taktak lai maw

An duh ah Thantlangkhua Dawn ah kan thial lai an ti an thialtaktak taktak hlah aceih ni athaizing in Bia aleng ti lo mipi an kan thih pheih nak asi zeitluk indah thil kan ti khawh ve ti langh ter an duh i an tuah kho taktak lo cun Hakha zung vialte thialding in nawl nak min aunghlaing sin ah an hal than ti mi hi zumh awk a um lo i hlen nak si lai ti hi ruah awk tam pi a um.

 

 

Chin ram kulh nawlh ngeihnak a ngeitu hna nih cun,Chin ramkulh zungii,Hakha khua chung i a um mi paohpaoh cu,Tedim peng Khaikam khua ah a si lo le Kalay ah thial dingin ,Min Aung Hlaing sin ah halnak an tuah tiah theih a si.

 

 

Hibantuk i an halnak a kong an chim ning cu tihin a si.”Chin ramkulh Hakha khua i zung cu Min Aung Hlaing a dohtu hna nih heh tiah meithal an puah i ralkap an kah hna,zung zeimawzat cu CDF hna nih an hrawh,Sianginn zong kan ong ngam lo,Zung zong kan ka ngam lo,cu caah Khaikam a si lo hmanh ah Kalay ah kan tthial piak uh tiah,Min Aung Hlaiing sinah nawlnak /halnak an tuahnak cu a si,a ti.

 

 

Mah bantuk in thil a can hi,Pu Ngun San Aung a rian i an dinhter hnu,Dr.Vung Suian Thang,Ngun San Aung zaka ca i an khinh hnu ah ,Hakha khualipi cu hmun dang i tthial a duh peng mi pa nih a tu thlakhat a ttuan chung te ah a thinlung um peng mi cu a a tu a langhter cawlh hi a si.

 

 

Russia ralkap nih an rak lak cangmi Ukraine ram chaklei Khakiv hmunhma, Kilometers 3000 hmun cu, Ukraine ralkap nih kan lak khawh than tiah Ukraine ralkap nih an thanh.

 

February ni 24, ah Russia nih Ukraine hmun tamlak cu arak lak, Ukraine nih cun i khamnak deuh in caan kan rak hmang, asinain a tuah cun kanmah nih kan nam cang hna i hmun tampi kan lak khawh cang. Ukraine ram thantar zong kan thlai khawh cang tiah, President Zelenskyy nih cun a chim.

 

Russia ram Ministry of Defense nih cun, Ukraine ralkap nih biatak tein a kan nam caah kan ralkap hnu kan kirter hna, kan ralkap hna cu Ukraine hmunhma a biapit deuhnak ah kahdohnak bawm dingin kan thlah than hna lai tiah, an chim ve.

 

US le Europe ram hna nih Ukraine hriamnam an bawmhmi cu Ukraine ralkap nih Russia ralkap tuknak dingah a kan bawmhchanh tuk, Ukraine ralkap nih cun Khakiv pengkulh khuapi tam ngai an lak cang i pengkulh khualipi Khakiv lei kal in hmai an fong tiah, President Zelenskyy nih cun a chim chap.

 

UK Ministry of Defense nih cun Ukraine ralkap nih khuapi tampi an lak khawh cang, Khakiv zongah Russia ralkap hna cu an cawlcang kho ti lo, Ukraine ralkap nih an van nammi hna hi Russia ralkap nih an i kham khawh lo caah a hawikom rampawl nih cun Ukraine cungah zumhnak kan ngei tiah, an chim.