Hakha Khualipi Timit lam Kan mipi ralkap le ralhrang hna kahdoh nak cu nikhat hnu nikhat in azual caah mipi kan iralring aherh chinchin,

Tuhi Timit lei ah kaphnih kahdohnak an thok,kan ralkap nih teinak an hmuhnak hnga thlacam rih usih,Ralhrang pawl zahan zaan muika in khuadei lai minute tiang meithal aCategoriesn puah ,ni hin an umnak hmun in chuak ngam loin horkuang chungah an um i, an chuah sual ah tiah sniper he kan ralkap lei nih an bawh hna i, zaanlei suimilam 1 PM hnu lawngah minung pakhat a rak chuak i thi lak in an kah khawh.Halkha lei in 120 mm hriampi in kan ralkap an vun kah hna.Drone in bomb Pa (3) kanmah lei nih an tlak,pa(2)a puak, an cung ah Pa khat an tlak khawh caah hma pu cu an um lai tiah zumh a si.

 


Nizaan an riahnak in 8:30am hrawngah ralhrang zeimaw zong hliamtuar pathum li i puak pah in an kir tthan ve , zeimaw cu an taang rih tthiam, 10:05am ah Hakha ah Chopper a rak phan. Thantlang zong a lan lai i a kal pah ah Hk-TT kar ummi pawl a tthuat pah hna lai tiah zumh cio asi nain 10minutes a rauh hnu ah Kalay lei a panh tthan colh.Tuzing a kirmi pawl cu 11:00am hrawngah nizaan a kir ciami pawl nih an rak don hna i an iton hnu ah zeimaw cu cunglei ah an kai tthan i zeimaw cu tiva ah an zuang.

 


Timit tiva a thlanglei pi ah mei hna an kau i rawl hna an chuang pah len.:00pm hrawng ah tiva ummi pawl zong kanmah lei zeimaw nih an va tthuat hna. Pakhat cu kan hrilh bak an ti, ai hliam zah bal theih asi lo,Timit lei Ralhrang pawl bawmtu dingah Thantlang ralhrang 35 hrawng an ra lai tiah thawng kan theih caah zaanlei suimilam 3-4 kar ah Thantlang khuachung cawlcangnak zong tuah a si. Kan hawile himbawm tein an umnak hmun cio an phan kho hnaRalhrang lei hliamtuar zat bal kan thei kho lo.Pathian thawngin Hk le ThantlangT kar kan hawile si hna seh Thantlang khuachung kan hawile zong an him dih. tang rih mi thaizing lei ca zongah thlacamnak in bawm cio rih hna sihlaw.

 

 

RELCHAP,A Pawi Tuk Ee: ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROINE RITHAISI (No.4) AN TLAIH! ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROINE RITHAISI (No.4) AN TLAIH

CDF-Thantlang Battalion-4 (Zahnak Battalion) Police nih 5 August 2022 zaanlei 4:30 pm hrawng ah Thangzang le Ruakhua lampial Check Gate ah rithaisi (heroines-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

Hi an tlaih mi rithaisi hi a tulio rithaisii market in sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah kan Palik an tlaih mi hi a si.Hi hna hi cu hlan zong ah a rak tuah bal mi an si i anmah he a tuahti mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

 

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung (Department of Judiciary) nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio a si. Salai Chan Duh Lian Director, Department of Information. Credit: Kawltu News

Thawngdang Relchap>>><<<<< 330 Khuapi Aum Mi Lak Ah 200 Leng cu CDF / PDF Nih Kan Uk Cang. Paucan Dohthlennak ka TEI lai maw? Dohthlen Can asau lai maw, tiah Biahal nak atam ngai. A dikmi aphi khawh mi kan tlawm te lai. Kaa khat hnih in phi khawh loin Phihlik tlangvelh in chimhrel cio asi. Mipi nih tei kan duh caah mipi a tei ter tu kan tam deuh lai.

KIA, KNU, KNDF, KNLA, CNA/CDF/CNDF teinak lawng in Rallokap kan thluk cang hna ti awk ah asi kho maw? Tlangcungmi ram lawng ah kan TEI hna, kan that hna, Kawlram huap in MAH kan tei cang kan ti ah tah, nan cohlan khawh lai maw? Rallokap minung hna nih Rallokap tu an kan TEI ter ve. NUG Upa Luban le CDF Upa hna bia ning in cun, kan tei ko lai nain, atlawm bik kum 5-7 kan rau lai ti cio asi.