Hakha khualipi Timit lam ah bom 15 apuak Kan mipi ral kap he kadoh nak achuak,

 

Tuhi Timit lei in bom Voi 15 tluk poh a puak cuahmah lio si caah kan ralkap nih teinak an hmuh le himnak hnga thlacam ko rih usih. Na share tam sile thlacam tu an tam lai.

 

RELCHAP,ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH
CDF-Thantlang Battalion-4 (Zahnak Battalion) Police nih 5 August 2022, zaanlei 4:30 hrawng ah Thangzang le Ruakhua lampial Check Gate ah rithaisii (heroin-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

 

Hi an tlaih mi rithaisi hi a tulio rithaisii market in kyats sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah Palik nih an tlaih mi a si. Hi hna hi cu hlan zong ah a rak tuah bal mi an si i anmah he a tuahTi mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung (Department of Judiciary) nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio a si, tiah theih a si.

US Ah Laimi Pafa Hna Nam In A Sawhtu Cu Kum 25 Thongdan An Pek: Kum 2020, March thla lio ah Laimi pafa hna nam in a sawhtu Jose Gomez III (kum 21) cu US biaceihzung nih August 4, cawn nili ah dantatnak an pekmi a thanh,Pu Bawi Cung Nung le a fale pahnih cu US ram Texas ramkulh Midland khua, Sam’s Club dawr i an kal lio ah Spanish pa Jose Gomez nih nam in a rak sawhmi hna an si. Jose Gomez nih cun Covid zawtnak a chuahtertu Tuluk miphun ah ka ruah hna caah ka sawhmi hna a si, tiah biaceihzung ah a chim.

Hi caan hi Covid zawtnak a chuahka a si caah Asian mi le a bik in Tuluk miphun cu huat le ral an ton tuk lio a si. Cucaah Pu Bawi Cung le a fapa zong hi sualnak le palhnak zeihmanh an ngei lo nain namsawh tiang an tuarnak a si.Pu Bawi Cung Nung le a fapa nam in sawh an ton hi 2020, March 14, zanlei 7:32pm ah a si. Nam sawh an ton lecangka in an pawngkam ummi Mirang pa nih a zuanhnawh hna i amah zong hliam a tuar. An pafa in an hmai ah a sawh hna i a fapa Robert hi fak tuk in a hliamh. An pahnih in siizung ah an tlikpi colh hna. Ni zeimawzat siizung an um hnuah dam tein an chuak Than.

A sawhtu Jose Gomez hi a sawh hna lio ah kum 19 a si, kumhnih a rauh hnuah biaceihzung nih kum 25 thongdan an pek hi a si. Pu Bawi Cung Nung hi Midland Chin Immanuel Baptist Church chungtel a si i, Kum 2014 ah US a phanmi an si. Pathian a duh ngaimi a si, tiah theih a si. Laitlang lei a khua cu Thantlang peng Thau khua a si nain Kalaymyo ah a ummi an si.