Hakha khualipi Timit ah sac rahrang hna le kan pasaltha hna an i kap

Tuhi Timit lei ah an i kah lio si,Rungtlang in hriampi in heh an kah chap hna caah kan ralkap hna caah thlacam hna usih muhThinphang tuk asi e kan chinram te hi bawipa nih kan kilvengpiak hram ko seh mipi kan daithlan lo ahau ee thlaza cam in bawm ko hna uh sih law kan mah le kan ti khawh tawk cio in tangrual ti hna uh sih Kan pasaltha hna caah kan ti khawh cio in that hnem nak neih izuam hna uh sih mah cu kan ram adam nak ding kha si ko.

Thawngpangdang,Mizoram Ah Myanmar Mi Hna Sin In Rupees Sing 30 Leng Man Bing An Tlaih!: India ram, Mizoram ramkulh chung ah a luancia nithum chung ahkhan Rupees sing 30 leng man bing cu, Myanmar mi 1 le midang 7 sin in kan tlaih, tiah Mizoram ramkulh rithaisii dohtu phu nih cathanh an chuah.

 

July 30 ah Champhai pengkomh Hnahlan khua ah Rupees sing 6 man hrawng bing Gram 500 cu, Myanmar mi pakhat sin in an tlaihnak kong cu Mizoram News nih a langhter. A luancia July 28 lio zong ah Dapchhuah khua ah Rupee ls sing 23.4 leng man bing cu minung 5 sin in an rak tlaih i, an phorhmi bing le an phorhnak motor zong an tlaih chih, tiah theih a si.

 

July 27 ah Rupees sing 1 leng man bing Gram 154 cu, Aizawl khuapi sang pakhat ah nu pakhat le midang pakhat sin in rithaisii dohtu hna nih an rak tlaih i, India ram rithaisii phung ning in taza an cuai hna, tiah Mizoram Media nih an langhter.

 

Atu lio hi Mizoram ah rithaisii phorh le tlaih a tam ngai i, riathaisii(bing) tam deuh cu India-Myanmar ramri in a rak lut lai, tiah an zumh. Bing an tlaihmi hna hi a tam deuh cu Myanmar mi hna sin in an tlaih caah “Myanmar mi nih Mizoram ah rithaisii zeihmanh nan phor lai lo” tiah Chin hriamtlai phu nih ralrin peknak cathanh zong an rak chuah cang.
Credit;The Chin Post