Hakha khualipi ralhrang cawlcangh ning cu azual hma chinlangmang ee tuni kan mipi ralkap din lo in hriam ngan in an kah hna caah,

 

 

Halkha Khuhsilubo hmun in hriampi in ralhrang nih Timit lei um kan ralkap zawndomh in tu le tu an kah peng ko hna thlacam nak in bawm hna uh sih kan ralkap hna hliamhma an tuar lo nak hnga thalcam biatak tein bawm hna uh sih law nangmah le keimah kan mipi ralkap bawm tu dingah pathian nih a kan chiah ti kha philh hrimhrim hlah uh sih,

 

Relchap,KNU Brigade 3 hmunram, Nguanglaypin pengkomh, Mung peng chung ah SAC ralkap le KNLA Battalion 8 cu a luancia August 5, 6 le 10 ah kahdohnak voi li a chuak i, SAC ralkap 12 an thi, hliamhma pumi zong an tam, tiah KNU nih cathanh an chuah,Mung peng, Teypaw le Karen Myatyekhua kar ah SAC ralkap le KNLA Battalion 8 cu, August 10 zing sml 9 le 10 hrawng ah voi hnih kan i kap. SAC ralkap 9 an thi, tiah an langhter,August 5 le 6 ah kahdohnak voi hnih a chuak i, SAC ralkap Warrant Officer pakhat telh in ralkap 3 an thi, KNLA lei in a thimi le aa hliammi an um lo, tiah theih a si.

 

Muse Ah Pa Pahnih Cu Hramtlai Phu Nih An Kah Thah Hna: Shan ramkulh nichuahlei Muse khua ah hngalh lomi hriamtlai phu khat nih pa pahnih cu nihin August 12 zinglei ah meithal in an kah thah hna, tiah theih a si. Nihin zing sml 4:00 hrawng ah Muse thlan hmun pawng ah pa pakhat cu, dum lei a tlik lio ah meithal in kah thah a tong. Zing sml 7:00 hrawng ah a dang pa pakhat cu a kut hnulei ah an leh i, hri in an tem hnu ah an kah thah.

 

Muse khuami pakhat nih, “Pa pakhat cu mi dum lei a tlik lio ah kah thah tong. A dang pa pakhat cu hri in an tem i, an kah thah. An pahnih in hawikom an si,” tiah a chim. A kut hri in an temmi pa cu kum 32 a si i, a hnakhaw, a taang le a liang ruh ah an khen caah a thi. Dum lei a tli mipa hi kum 40 hrawng a si i, a lu, a hnakhaw, a baan le a taang ah an khen caah a thi ve, tiah theih a si,An ruak cu Muse bawmchantu phu nih an rak laak hna i, sii-inn ah an kalpi hna. Muse khua cu Myanmar-Tuluk ramri a si i, kahdohnak, puahkehnak le mi thilri chuhnak atu le atu a chuak lengmang, tiah tialchung mi hna nih an chim.
Credit;The Chin Post