Halkha inn lak ah UC security an tam ngai , chawhvah iralrin ding si lai, ralhrang bawi vanlawng in a ra ding a um ti si.Credit Salai William HC.
Mandalay ramthen, Nyaung U peng in Mandalay ramthen MP hmun ah aa zuammi Aung Min Hteik cu, nizaan September 29 ah kan kahthah, tiah Pakanpyi Bilu(ပုဂံပြည်ဘီလူး) PDF in tuanvo ngeitu nih a chim.
USDP party MP hlun Aung Min Hteik cu nizaan September 29 zing sml 7:40 ah Bilu PDF le tangti phu hna nih meithal zun 4 in an kah caah a hmun ah a thi colh, tiah theih a si.
Aung Min Htiek cu a luancia kum 2020 rampi thimnak lioah Ngaung U peng mee hmun No.1 in Mandalay ramthen MP hmunhma ah aa zuammi a si i a rak sung.
Aung Min Hteik cu SAC ralkap he riantuanti an si i, khuami hna cu hranhram in an tlaih hna. SAC ralkap caah tangka a kawlpiak hna i khuami hna cu a phunphun in harnak a pek hna caah kan thahnak a si, tiah Pakanpyi Bilu PDF in tuanvo ngeitu nih cun a chim.