Hakha khuachung ralhrang um tu zia aidang mipi hlen dih an kan timh cang fim khur chinchin ahau

Khuathar Thantlang lampial ah ralhrang nih mi umkal le an ph an check caah umkal i ralrin ding si lai.
Halkha Khuathar uico mi check tu hna cu, anmah uico thil hruk loin meithal an i bei i, mi an check hna , civil mi, pa pathum an tlaih hna i.redit;Salai William HC.

 

 

Mandalay ramthen, Nganzun(ငါန်းဇွန်) peng Phaungkadaw(ဖောင်းကတော) khua ah SAC ralkap kuttang um pyosawhthi phu tonpumh biaruahnak an ngeih lio ah tualchung hriamtlai phufonh nih an kah hna, cu kahdohnak ah cun pyosawhthi minung 4 an thi i hliamhma tuarmi pakhat a um tiah theih a si.

 

 

Phaungkadaw(ဖောင်းကတော) khua in pyosawhthi hruaitu Nga Moe cu September 11 zaan suimilam 8:00 hrawngah a umnak inn ah fimhlawm dingin an luhhnawh, cuti an luhhnawh lio caan te cu a inn ah pyosawhti phu tonpumh biaruahnak an ngeihlio a rak si caah kahdohnak kan tuah colh hi a si tiah Naung Yoe pah-kah-phah NYSGF nih nihin September 12 ah cathanh an chuah.

 

 

Pyosawhthi hruaitu Nga Moe cu a zaam manh nain, midang pyosawhyhi minung 4 cu kahthah an si i hliamhma a tuar mi pakhat a um tiah NYSGF nih an cathanh ah cun an langhter. Pyosawhti phu kahdohnak cu NYSGF, Zarmani MMU, Myaung tat-khuai Minaga(မြောင်တပ်ခွဲ မီးနဂါး), NZN Revolution Force, Mansuaigya(မာန်စွယ်ကျား) tualchung hriamtlai phufonh nih an tuah mi a si tiah theih a si.

 

NYSGF phu le tualchung hriamtlai phufonh hna nih n a luancia September 10 lio ah Myinchain pengchung phaisa in lentecelhnak a tuahtu SAC ralkap hna cu an kir lei ah an rak kah hna caah ralbawi pakhat le a hnu zul ralkap pakhat kahthah an rak tong tiah theih a si.

 

Sagaing ramthen Myinmu peng ah rallam sialah a kalmi SAC ralkap cu Myinmu tualchung hriamtlaiphu hna nih an kah hna caah SAC ralkap 15 hrawng an thi lai tiah tualchung hriamtlaiphu hna nih cathanh an chuah tiah theih a si.

 

Myinmu peng Alahkapah (အလ္လကပ္ပ) khua ah rallam sialmi SAC ralkap 38 hna cu nihin September 12 ni, chun laiah kan kah hna i SAC ralkap 15 hrawng cu a hmun ah an thi, kan zenkuan a dih caah hnu kan kir than, hliamhma a tuarmi zong an tam ngai lai tiah kahdohnak i aa telmi Myinmu Lyinzonenat(မြင်းမူလင်းယုန် နက်) in mi pakhat nih a chim.

 

Cu kahdohnak ahcun SAC ralkap lei in an kah ve ko nain in tualchung hriamtlaiphu leiin hliam tuar um lo tein hnu an tolh kho tiah theih a si. Cu kahdohnak cu Myaungmya tualchung hriamtlaiphu ,Myinmu Lyinzonenat hriamtlaiphu, Myinmu PDF, Myinmu Civil Revolution Force le Sagaing pengkomh battalion 2 hna i bawm in an tuahmi a si tiah theih a si.