Hakha khua, Timit lam lei ah kahdohnak a chuak,

Hakha khua, Timit lam lei ah kahdohnak a chuakThe Chinland Post | 2022 July 26 – Chin ramkulh, Hakha khua, July 26 zaanlei sml 4:30pm-5:30pm tiang hrawng Timit lam lei ah kahdohnak a chuak i bom le methal thawng pehzulh in theih a si.

“Hakha khuachung in ralkap mawtaw pakhat a khat te le လူစီးကား 2 in SAC ralkap pawl bawmtu ah an kal kan hmuh” tiah Hakha khuami pakhat nih The Chinland Post ah a chim.Kahdohnak chungah a thimi an um le um lo cu a fiang in theih a si rih lo. Thawngpang fiang deuh in thanh khawh kan rak i zuam lai

BreakingNews: Hakha Phone Chonh A Ngah Lo -Regime cut telecommunication in Chin State’s Hakha (English Below)
2022 July 26 – Hakha phone chonh a ngah lo tiah kan theih. Ramchung le ramleng in Hakha ah phone an chawn kho lo tiah The Chinland Post sin ah thawng an rak kan pek.

 

Nihin zaanlei sang ah, Hakha khua kiangkap ah kahdohnak a chuah hnu in, Chin ramkulh khualeng ah a ummi, hmun dangdang in Hakha cu internet, mobile/phone line a pahnih in kan chonh i a ngah lo tiah an chim.Yangon ah a ummi cheukhat nih, Hakha ah kan chungkhat kan chonh hna, mobile/landline tiah kan call i a ngah lo tiah July 26 zaan sml. 8 tluk ah The Chinland Post sin ah an chim.

 

Update, 8:45 pm – Ralkap lei pehtlai nih an cawkmi Telenor, ATOM lawng hi chawnh khawh a si tiah cheukhat sin in kan theih.
Update, 9:30 pm- Chinland Post nih hi thawngzamhnak kan tial hnu in, Ramleng an ummi US telh in, Hakha ah ummi chungkhar kan chawn ko cio hna lo tiah an rak kan chimh. Telephone call cu a lutmi a lo ko nain, a tla than lengmang tiah an chim.