Hakha Khua Pawng I Kahdohnak A Chuah Hnu In Khuachung Ah Phone Line A Nuar

Hakha Khua Pawng I Kahdohnak A Chuah Hnu In Khuachung Ah Phone Line A Nuar I, MPT Line An Thah!July 26, tuzaanlei suimilam 4:00 hrawng ah Chin ramkulh, Hakha khua leng ah suimilam pakhat hrawng kahdohnak a chuak, tiah theih a si. Kahdohnak a chuah hnu ah Hakha khuachung MPT le Ooredoo phone line zong an thah, tiah theih a si.Phone data line zong voidang kel bantuk si lo in, internet speed(line) a nuar tuk, tiah Hakha khuachung ummi pakhat nih The Chin Post ah a chim. Telenor line cu a that ko caah wifi cu Tha tein kan hman khawh ko, tiah a chimchap.Chin ramkulh chung ah Hakha khua lawng ahhin SAC ralkap nih data internet line an hon, tiah theih a si.

SAC Nih Insein Thonginn Ah Ramkhel Lei Thongtla Thih-dan An Pekmi 3 Cu An Thah than Hna!: Insein thonginn thongbawi hna nih ramkhel lei thongtla thih-dan an pekmi 3 cu an thah than hna, tiah thong a rak tla bal mi U Htun Kyi nih Delta News Agency ah a chim. “Atu ahhin thih-dan pekmi ramkhel lei thongtla za renglo an um i, hmailei ah minung zeizat dah atu bantuk in thah an si than lai theih

a si rih lo. Thong chung ummi hna sin in thawngpang hlatnak kan tuah i, minung 3 an thah than hna, tiah kan theih,” ti in ramkhel ruangah thong a rak tla bal mi U Htun Kyi nih cun a chim.July 23, ah U Jimmy, U Phyo Zayar Thaw, Ko Hlah Myo Aung le Ko Aung Thura Zaw hna cu thonginn nawlngeitu hna nih an thah hna hnu ah, ramkhel lei thongtla thih-dan pekmi minung 3 cu an thah than hna, tiah a chim chap.

 

Atu bantuk in ramkhel lei thong tla hna cung ah thih-dan pek in an thah hna ruangah July 25 ahkhan hmunkip um thong tla hna nih duhlonak an langhter i, thonginn nawlngeitu hna nih an tukvelh hna i, an hrem hna caah cheukhat thongtla hna cu faak ngai in hliamhma an tuar, tiah U Htun Kyi nih cun a chim. AAPP nih cazin an langhter ning ah thong tla mi hna chung in thih-dan pekmi dihlak cu minung 113 an si, tiah an langhter

Credit;The Chin Post