Hakha khua leng kahdoh nak kan mipi ralkal CNF caah thlacam bawmh an herh tuk lio asi ee

Tuhi Halkha thar pawng Education Degree College hrawngah an i kah lio a si . Bawipa nih kan ralkap umpi ko hna sehlaw. Credit;Salai William HC.

 

Relchap,SAC Ralkap Meithal Thlahnak In Kalaymyo Ah Tualchungmi Pakhat Nunnak A Liam! Sagaing ramthen, Kalaymyo, Hmuntha sang ah nihin September 3, zanlei suimilam 4:00 luan ah SAC ralkap nih kah thlorh in meithal an thlah caah tualchung mi pa pakhat cu hliam a pu i, nunnak a liam. Cu pin ah midang pa pakhat zong fak ngai in hliamhma a tuar, tiah theih a si.

 

SAC ralkap hna nih Myohla, Indaikune sang in Latpankhone(လက်ပံခုံ) khua kalnak lam lei ah check hlatnak an tuah i, an kir lei ah cu ralkap hna cu bomb puahhnawh in kahdoh an tong. Bomb puahhnawh a tongmi SAC ralkap lei cu a thimi le hliamtuarmi an um lo, lampi thluan ah tinh mi ngei loin kah thlorh in meithal an thlah, tiah theih a si.

 

SAC ralkap kuan aa tonsual mi, Hmuntha sang no.3 lamkam ah ummi mitlamtlinglo kum 40 luan tluk pa pakhat cu a hngawng ah kuan nih a hliamh caah a hma a fak ngai, tiah theih a si. Cun, Hmuntha sang no.3 lam ah a ummi kum 40 luan hrawng pa pakhat cu inn chung a um lio ah kuan nih a hnakpang ah a khen i a nunnak a liam, tiah theih a si.

 

Thawngpangdang,Tanintharyi ramtthen Dawei khuapi peng ah mizapi ralkap fonh le SAC ralhrang karlak kahdohnak a chuak i ralhrang minung 10 nak tlawmlo an thi tiah theih a si.

 

Dawei peng Pa Kat khua pawng ah SAC ralhrang pawl cu mizapi ralkap fonh Dawei Defense Force le Kaw Thoo Lei Army nih lampi ah an rak bawh hna i an kah hna caah minung 10 nak tlawmlo an thi tiah Dawei Defense Force (DDT) nih an langhter.

 

“Hmai ah Ke i a kal mi hi minung 50 hrawng an si, mawtaw an ven bia khi a si ko. Kap hnih in sml 1 chung hrawng kan i kap. Ralhrang lei nih heh tiah hriamngan in an kan kah ruangah hnu kan pil. Zaanlei ah mi ruak an rak lak hna tikah minung 10 renglo an si” tiah an chim.

 

Hi kahdohnak ahhin mizapi ralkap fonh Dawei Defense Force le Kaw Thoo Lei Army lei in aho hmanh hliam tuar mi zong an um lo tiah theih a si.Credit; Suimilam Net.