Hakha khua chung ralhrang nih mipi an kan hlen dih hlan ah iralrin taktak aherh mithil apoi tuk cang

Halkha Khuathar uico mi check tu hna cu, anmah uico thil hruk loin meithal an i bei i, mi an check hna , civil mi, pa pathum an tlaih hna i.Credit;Salai  William HC,

 

Sagaing ramthen Sagaing peng Nyaungpinwon khua palik sakhan cu tualchung hriamtlaiphu hna nih drone in bomb an thlak hnawh hna i sakhan hmai thingkung tang i aa dormi SAC ralkap pakhat le palik 2 nih hliam an tuar tiah kan theih.

 

 

Hliamtuarmi hna Sii-inn kalpi dingin mawtaw cungah an hawi le palik 2 nih an khin hna lio ah bomb puah hnawh an tongthan i hliamtuar thingmi SAC ralkap pakhat le palik 2 cu a hmunah an thi i sii-inn kalpi dingin a bawmtu palik 2 zong hliam an tuar ve tiah tualchung hriamtlaiphu pakhat si mi Knight Commanders in BeThanKyi (ဘယ်သန်ကြီး) nih a chim.

 

 

Nyaungpinwon palik sakhan ah hin SAC ralkap le palik 20 hrawng an um i khua luhchuahnak in mipi khualtlawngmi hna cu phaisa an hal tawn hna tiah tualchungmi hna sin in theih a si.

 

Tutan kahdohnak cu Knight Commanders , Black Dragon (Special Tesk Force) le tualchung PDF phufonh hna i bawm in an tuahmi si tiah theih a si.

Mandalay ramThen, Takaung(တကောင်း) peng ah SAC ralkap motor 2 cu bomb puahhnawh le kahdoh an ton caah SAC ralkap 2 an thi tiah Takaung PDF nih an chim.

 

“Takaung in SAC ralkap motor pakhat in ralkap 10 hrawng le hriamthil a phortu motor pakhat cu September 11 chun suimilam 12:30 hrawngah Takaung in meng 4 hrawng ai hlatnak SinHngiatkone (ဆင်ညှပ်ကုန်း) khua luhnak ah pa-de-ta bomb lung 6 an hmanh mi in kan doh hna tiah” Takaung PDF lei nih an chim.

 

Bomb cu timhcia tein hmanh a si, kan hmanhnak hmun SAC ralkap motor 2 an phak lio belte ah an kar ah tualchung mi nih an i citmi motor pakhat karlak thlak in a kal caah, motor pakhat lawng bomb kan puahhnawh khawh hna, cu caah SAC ralkap lei a thimi le hlianhma tuar an tlawmnak hi a si tiah tuanvo ngeitu nih an chim chap.

 

Mizapi nih SAC ralkap hna he neihniam in um le, an motor he neih tein kal tibantuk tuahlo dingin le tualchung hriamtlai phu hna nih cathanh chuahmi zulhawk thil hna kha felfai tein zulhding, rikhiahmi caan a lonh hnu ah motor lampi hman tibantuk tuahlo ding in theihternak an langhter chih.