Hakha cawbuk sang um, check gate ralhrang hna nih khual atlawng mipa sin ah cdf nih rak kan kap ti hna hlah tiah an nawl hna,

 

Hakha cawbuk sang um, check gate cu atu le atu kah a ton caah SAC ralkap le palik a thimi le hliam tuarmi an um lengmang. Khualtlawng mi pakhat min langhter a duh lomi nih cun, “Cawbuk check gate hngak ralkap nih khual na tlawnnak ah CDF na hmu hna maw? An tam maw? tiah an ka hal i, an tam tuk, 5000 hrawng cu an si lai, tiah ka leh hna.

 

“Cu bia an theih cun, zaangfahnak tein khual na tlawn i, CDF na hmuh hna ahcun kan kap ti hna hlah seh, tiah rak kan chimhpiak te an ka ti. Cupinah kah an kan timh na theih sual ahcun rak kan chawn te tiah an phone number zong an kan pek,” tiah The Chin Post ah a chim,Cawbuk check gate cu Agust thla 1-8 tiang ah voi hnih kah an tong i, a thimi le hliam tuar mi zong an um, tiah theih a si.

 

 

Aizawl Ah A Voihnihnak Myanmar Ralzaam Bawmh Halnak Ah Ks. Sing 38 Leng An Hmuh: Kalay peng ralzaam hna bawmhnak ah India ram, Mizoram ramkulh, khualipi Aizawl ah zatlang bu hna i bawm in August 6 ah bawmhhalnak an tuah i, Rupees 152,079(kyats sing 38 leng) an hmuh, tiah theih a si.

 

Cu bawmhhalnak ah cun MZP, MZI, MDM, PUMP, NUFDM, Mizo Student’s Union, Lemcang thiam phu le ramkhel ah a cawlcang mi phu hna nih bawmhhalnak an tuah, A luancia July 30 lio ah a voikhatnak bawmhhalnak an tuah i, Kyats sing 23 an rak hmuh. A ra laimi August 15 ah Kalay peng ralzaam hna ca ah a voithumnak bawmhhalnak an tuah than lai, tiah theih a si.

 

Relchap,Tuluk-Myanmar Ambassador, Myo Thant Phe cu nizan August 7 ah tonbiaruahnak ngeih ding in a kal lio, Kumin vanlawng tual ah lungzawtnak in a nunnak a liam, tiah Embassy he naihniam mi sinin theih a si, Beijing in Kumin ah tonbiaruahnak ngeih ding in a kal lio ah Kumin vanlawng tual ah ruah lo piin a tlu i a thi, tiah amah he naihniam mi pakhat nih cun a chim.

 

Ambassador Myo Thant Phe cu 22, November 2009 in Tuluk-Myanmar Ambassador rian a rak a tlaitu a si. 2021 Febuary 8 in Democratic People’s Republic of Korea-Myanmar Ambassador rian zong a kemh chih, tiah theih a si, Bago RamThen, Letpatan Khua Ah Pyusawhti Hruaitu Khuabawi Pa Kah Thah A Tong: Bago ramThen, Letpatankhua, Pyusawhti hruaitu minthang khuabawi pa cu nihin August 8 zing sml 7:00 hrawng ah kan kah thah, tiah Tharyarwaddy pengkomh Battalion 3802 nih cathanh an chuah.

 

Kah thah a tongmi Pyusawhti khuabawi pa hi Letpatan khua, Myoma sang khuabawi Soe Min, kum 50 a si tiah theih a si. “Soe Min cu lampi ah, a lu ah voi khat le a keng ah voi khat kan kah,” tiah Tharyarwaddy pengkomh thawng fianternak Tuanvo ngeitu nih a chim. Soe Min cu zalong tein duhnak a langhtertu, CDM zung rianTuan hna, PDF an umnak hlathlai le mei man khawlh tibantuk a tuah lengmang caah atu bantuk in dantatnak kan pek hi a si, tiah Tharyarwaddy pengkomh Battalion 3802 nih an langhter.

 

SAC ralkap a bawmtu le anmah he rian a TuanTi mi pohpoh cu kan in doh hna lai. Cucaah anmah he naihniam in nan um hrimhrim lai lo, tiah Battalion 3802 nih mizapi cu ralrin an pek hna, August 3 zan sml 10:00 hrawng ah Letpatan khua tlak lei ummi, Ohhtu chaunghpyia khuami inn- zaa uk dalan pakhat cu, Shwe Tan May phu nih an rak kah thah.
Credit;The Chin Post