Hakha Ah Covid -19 Mizaw Minung Thlopbul Lio An Tam

Hakha ah Covid -19 mizaw minung thlopbul lio an tam. Atulio Hakha ah COVID-19 Mizaw minung 72 thlopbul lio an si. June 10 in July 17 zaanlei suimilaam 4:00 tiang Hakha ah COVID-19 zawtnak hmuh mi minung 237 an si cang i cuchung ah minung 4 an thi, minung 160 an dam than, atulio aa thlopbul mi

Minung 72 an tang rih, tiah kan theih. June 10 in July 17 tiang Hakha ah COVID-19 zawtnak check mi minung 1306 an si cang i cuchung ah zawtnak ngei minung 237 hmuh an si hi a si. Relchap – Thantlang khuachung ah a tlung cuahmah mi Covid-19 in i runven nak caah Thantlang khuachung dawr tuah mi vial te

Hna cu Jun.29 thok in an dawr an khar hna. Hi lio ah Thantlang khua Zunghmun sang um Pu Thla Uk( Sangcem pa) le a fa le hna nih dawr tuah nak ah an inn a hlang tu hna asi mi, Hniang Hniang Dawr,Daneil Dawr,Wana’s Sister Beuty palar,Vankung Nu Sabuti dawr hna cu thlakhat chung an dawr khan man

Phaisa kha fangkhat hmanh la lo in an dihlak in a free dih hna. Zei khom si ah nan kan hlan mi hmanh siseh law Dawr cu pei nan khar fam cu, rai in kan him khawhnak caah nan i khar mi asi. Rai kongah kan i bawmh chanhnak ah si ko seh, Ka fa le hrimhrim nih an ka ti mi asi, tiah an inn dawr hlang pawl sin ah a ti hna.

Hi bantuk lungput ttha a ngei mi kan pa hi zohchunh awktlak a si. Chin ramkulh Matupi peng Rezua khua lawngze veng ah Oh-Choh-Ye-Hmu inn ah zinglei tuannawn ah bomb a puak,bomb puah ruangah hliammi le thi an um lo tiah theih a si. Oh-Choh-Ye-Hmu Pu Ling Bawi inn bomb puahnak kong cu fianghlang in theihmi zeihmanh a um rih lo.

Cre – TCP