Gyatat palik sakhan laknak ah Salingyi PDF nih sing 230 leng hman

PDF phuthum fonh nih Sagaing ramtthen Salingyi (ဆားလင်းကြီး) peng Gyatat(ကျားတက်) palik sakhan laknak ah Salingyi (ဆားလင်းကြီး) PDF phukhat lawng nih sing 230 leng kan hman tiah Salingyi (ဆားလင်းကြီး) PDF in tuanvo ngeitu pakhat nih a chim. Nizaan April 28, Salingyi (ဆားလင်းကြီး) peng Gyatat (ကျားတက်) palik sakhan cu chunhnu suimilam 12:00 in zaanlei suimilam 4:30 tiang suimilam 4:00 chung kahdohnak ah.

SAC ralkap 9 an thi, cu sakhan meikhangh lioah Pale in SAC ralkap bawmtu an rat caah PDF cu hnu an tolh than. Kaphnihkar kahdohnak a chuah caah Pale in bawmtu ding ah a kalmi SAC ralkap motor ruun cu Pale-Gyatat (ကျားတက်) nih lampi ah bomb an rak puahhnawh caah motor an rawk i tampi nih hliam an tuar. Cu kahdohnak cu Sagaing ramthen tualchung hriamtlai phu Salingyi (ဆားလင်းကြီး) peng SSTF le Magway tualchung hriamtlai phu, Yesakyao tualchung hriamtlai phu le Myaing peng nih an doh hna.

Gyatat (ကျားတက်) sakhan laknak ah Salingyi (ဆားလင်းကြီး) peng tualchung hriamtlai phu SSTF nih hriamngan zeimawzat le kuan 3420 leng kan hman tiah Salingyi-PDF nih an chim. Suimilam 4 tluk a raumi kaphnihkar kahdohnak ah mizapi ralkap hna i ralthatnak, zuamnak le lungsaunak hna cu upat awk an tlak. Kahdohnak hlawhtlinnak ding caah nunnak pektiang lawng si lo in hriamthil tamtuk zong kan dih. Tutan hmanmi kuanfang man tuak ah cun s 2,394,000 leng a dih.

Hriamngan man he tuak ah cun tamtuk man kan dih, cucaah kawl awk a tha ti lo mi kan nunnak pek in ral kan do. Mipi lei nih kawk khawh a si mi phaisa hi kan bawmchan ko uh, kan herhtuk caah kan bawmchan cio ko uh” tiah PDF nih an langhter. Cu kahdohnak ah aa telve mi Yesakyao le Myine in PDF hna nih Gyatat(ကျားတက်) sakhan dohnak caah an hmanmi le a dihmi kongah an thanhmi a um rih lo. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum