Good News, CDF nih bom an puah hnawh hna caah sac ralhrang bawi 5 an thian thi.

 

Ayayawady Ramthen le Karen Ramkulh Kahdohnak Thawng: Ayayawady ramthen Pyapon peng ah SAC ralkap hna cu bomb puahhnawh an tong i ralbawi tel in ralkap 5 an thi, tiah Black Dragon Commando nih thawng an thanh. Pyapon peng, Pyapon-Kyauklat-highway lam, Chaungdwinhlei pawng ah nihin (July 28) zinglei Sml 9:58 ah a voikhatnak bomb a puak i palek bawi pakhat hliam a tuar. Zinglei Sml11:28 ah,

Pyapon Aministration riahbuk pawng ah cycle i hmanh mi bomb cu a puak than. Cuka hmun chekhlatnak a tuahtu palik mawtaw pakhat cu an kir lei ah bomb puahhnawh an tong than i, ralkap bawi pakhat tel in ralkap 4 hliam an tuar, tiah theih a si.Cun, Karen ramkulh Kawkareik peng thlanglei Maungmah Thayakone ah SAC ralkap le KNLA phufonh hna cu nihin (July 28) zing Sml 5:55 ahSml 2 chung an i kap, tiah,

KNU brigade 6 nih thawng an thanh. Cu kahdohnak ah cun SAC ralkap a thi mi zeimawzat an um i an ruak pawl cu mawtaw in an phorh hna, tuah tualchung mi nih an chim.Kahdohnak ah cun Kawkareikhrambunh SAC ralkap kah-lah-yiah 97 hna nih khuate pawl cu hriamngan in an kah hna, tiah theih a si. Kahdohnak ah a thimi le hliam tuarmi kong cu fiang in theih a si rih lo.

Mon Ramkulh Hluttaw Luhnak Gate Security Hngak Palik In Bomb In An Cheh Hna, 2 An ThiMon ramkulh Hluttaw zung luhnak gate ah security a ngaktu palik hna cu July 27, zan Suimilam 6:30 hrawngah kut cheh bomb in kan cheh hna i palik pahnih an thi i pakhat hliam a tuar tiah Federal Freedom UG nih cathanh an chuah.

 

July 12 zongah Tatone khuapi TikKone veng um khuabawi zung ah bomb lunghnih kan hmanh. A si nain palhnak pakhatkhat ruangah SAC ralkap an phanh hlan deuh ah a puak i a tangmi pakhat zong cu SAC ralkap hna nih an luah tiah Federal freedom UG nih cathanh an chuah.

Credit The Chin Post