Falam Kalay Kabaw Le Pawngkam Kum 15 Le 18 Kar

Falam, Kalay-Kabaw chehvel ummi kum 15-18 kar ramdang phan mino nih ca chimh timh. Myanmar ram tualchung kahdohnak ruang le COVID-19 zawtnak ruang I sianginn kai kho loin le fimnak cawng kho loin a ummi Falam Peng chung le Kalay-Kabaw chehvel i a ummi Chin mino hna cu ramdang phan mino hna nih ca chimh ding le cawnpiak ding in timhlamhnak an ngei cuahmah tiah theih a si.

Atu ca chimh ding timhlamhnak an ngeih mi hi kum 15-18 kar lawng an cohlan hna i, mirang ca chimh an si lai tiah Hope for Tomorrow nih Official Facebook cahmai in mizapi sin ah theihternak a tuah. Hi kong he pehtlai in Falam Peng chung rianngei Saya Obed nih. Kum hnih fai COVID-19 zawtnak ruang ah sianginn kai kho lo le fimnak cawng kho loin kan mino hna an um mi ka ruah ah.

Zaan hmanh i hngilh khawh lo tiang in ka um caan a tam pi. Cu a si ca ah Hope E-Learning program hi kan thoknak a si. Atu tan hi cu Falam. Kalay-Kawbe chehvel chung in kum 15-18 kar hi chimh ding in kan timhlamh. Hakha hi cu a liamcia July thla chung ahkhan AEM timi min in an chimh hna. Atu hi Falam le Kalay Peng chung kan hun thok than lai. Falam le Kalay-Kabaw kan hun dih in.

Chin Ramkulh Pengdang chung zong thok khawh than ding in thazaang kan pek hna lai, kan bawmh hna lai, tiah a chim. Hope for Tomorrow chung ah mirang ca cawn a duh mi hna cu. 2021 September 17 in 30 tiang https://forms.gle/qD6NvvejPyxbFSWQ9  ah form sok khawh a si i, formh sok a thiam lomi hna zong kanmah lei nih tlamtling in kan tawlrelpiak hna lai tiah an thanh. Cun.

Dikfel in theih na duh a si cun Falam Pengchung ca ah Saya Obed 09-400305507 le Kalay Kabaw ca ah Saya Luai 09-427482456 ah pehtlaih khawh a si. The Hakha Post Ka dawtmi Thantlang khuami hna,Kan vanram hmete a si mi kan Sui Thantlang a kin riangmang ko cu lung a fak hringhran ko. Thin maw hang deuh ngaih dek chia deuh.Hi kongkau ah hin ahohmanh i mawhchiat hna hlah usih. A zam le zam lo kar.

Hriamtlai le khuahlum kar tbkmawhchiatnak um hrim hlah seh. Hi dirhmun cu aho zong nih kan duh mi, kan i thim mi le kan i timh mi a si bal tung lo. Zalonnak man cu a fak tuk ti pei si kha!Kan mawhchiat ding mi cu sahrang ralkap lawnglawng hi siseh. Hi boruak vialte a hrampi cu mipi zawnruahnak a pelte zong a ngei lo mi uknak chut mithat lainawng ralkap hi an si ko.

A hrampi hi philh hrim hna hlah usih. Khat le khat kan i mawhchiat, sual kan i puh i, kan lung ai thencheu ahcun cucu kan ral hna duhningte a si lai. Hi sahrang ralkap kan tei lawnglawng ah zalong tein kan khua kan hlum kho than lai. Cucaah a biapi bik cu kan ral tei hi a si. Kan umnak hmun cio in i bawm usih, i zawnruat usihlaw, i tanpi hna usih!Zei si poh ah, dothlennak cu pei kan tuah fam cu.

Kan ral tei nakding ahcun kan innlo zong nih tuar ve ko hna seh, an tuar cuahmah ko cang hi. Nunnak hmanh cu pei pek si cu. Kan khuaram a rawh zong ah a minung kan rawh lo a biapi.A donghnak bik ah, aho poh nun dam i zuam hna usih!Khawika khua le ram kan phak zong ah kan tei tik ah cun kan Thantang te ah kan kir than hrimhrim hna lai mu. Kan sersiam than lai. Kan hlunhlaiter than lai. Thantlang zanlei sang zalam len cu vanram hmanh in an hun ngai tawn ti pei a si kha.

Dam tein mu, Dam tein. Ref. Salai Kep Chin Thang