Fa pathum aroh tak hna i a Nupi zong ralhrang nih an tlaih chih ve na in

SAC nih an tlaih mi Matupi Phanai khua mi cu ralhrang nih an thah Matupi peng chung ah CDF Matupi he pehtlaih nak nanngei tiah puh in July-28 lio i tlaih a tong mi Phanai khua mi U Lung Uam & Than Naw cu august 23 ah thah a si cang tiah SAC biacaih zung ah thawng an thanh hna nak theih a si tiah athi mi chungkhat nih an chim nak cu theih a si.

 

A liam cia July 16 ni ah Matupi hrambunh SAC ခလရ (၁၄၀) tatyin i Ngiathlai tu Bohmu Tan Win Naing cu mipi ralkap nih an thah hnu ah khuami (6) tlaih an rakton hi a si i, Fa pathum aroh tak i a Nupi zong ralhrang nih an tlaih chih ve na in an thlahthan cang tiah theih a si.
Matupi peng chung ah Ralhrang nih tlaih in Biacaih nak zung phakpi lo i an thah mi hna hi (4) an si cang i cu hna lak ah Ngalai khua Pastor (1) ai tel tiah Mizzima nih a langh ter.

 

Relchap,Salai Ngun San Aung, Khualtlung Lungput Vs Innttek Lungput Ka U (Rev. Thawng Hlei) nih ka ngakchiat lioah a ka cawnpiak tawnmi cu inn chungkhar ahhin Khualtlung lungput in khuasa hlah a rak ka ti tawn Cucu tulio kan ram dohthlennak rian kan liangcung ah a hun ikhinh tikah ka lungah a hung chuak ngai Kan ram le kan Miphun cu kan inn le kan chungkhar he aa khat bakmi a si. Cucaah micheu nih cun kan innle kan chungkhar ven bantuk in an nunnak thap in kan Ram le Miphun an ven cuahmah.

 

Cu ve bantuk in Khualtlung lungput a ngeimi nulepa le Mino cheukhat hna nih cun Ral nih lak cuahmah mi kan Ram le Miphun cu chanchuah loin India le Malaysia lei siseh an kal khawhnak hmun paoh ah an zaam tak cuahmah ve.

Ram thumnak a phan cangmi Chin Miphun chung zongah cubantuk cun Innttek lungput a ngeimi nih ngeihchiah chawva in heh tiah kan Ram le Miphun cu an runven. Aa theih ter lomi zong an rak um len ve hoi. Mino cheukhat cu Malaysia hna in Raltuk ruah ah an rak tlung. Micheu cu US hna in an rak kir. Cu lioah UNHCR hna nam in Refugee lam a kawl zong an um hoi.

Nangtah na Ram le na Miphun nih Mitthli le Thisen he a hrum ai buin rak ka chanh hram tiah an ttah hnawh cuahmah lioah Innttek maw na si Khualtlung dah?

Relchap,Chin ramkulh, Matupi peng, Lay khua hleidonh pawng cu September 2 zaan ah vawlei a cim nain, atu tiang an remh khawh rih lo caah khualtlawng mipi hna cu khuapi chung in kee thum ngei(tung-bing) le motor in an don hna, tiah theih a si.

Vawlei a cimh ruang ah cycle cu nam chom in a kal kho nain, motor cu a kal kho ding a si lo. Cu caah Matupi in Mindat lei kal aa timmi khualtlawng mi hna le Matupi khuachung luh aa tim mi khualtlawng mi hna cu lam a cimhnak hmun ah kal khawh a si lo caah an thlah/don hna tiah theih a si.

“SAC ralkap lei nih lam cu ser an duh nain tualchung hriamtlai phu hna nih remhnak nawl an pek hna lo caah a si lai,” tiah tualchung mi pakhat nih a chim.
Credit;The Chin Post