Europe ramchung ah a lian bik mi Nuclear Power Plant cu tih a nun nakhnga lo felfai tein

Ukraine ram Zaporizhzhia Nuclear Power Plant cu chekhlatnak va tuah ding in International Atomic Energy Agency(IAEA) in thiamsang hna an i thawh cang, tiah United Nations Atomic Energy in tuanvo ngeitu nih a chim.

 

Zaporizhzhia chekhlat ding in a kalmi (IAEA) hna cu keimah nih ka hruai hna lai, Europe ramchung ah a lian bik mi Nuclear Power Plant cu tih a nun nakhnga lo felfai tein chekhlatnak kan tuah lai, tiah Rafael Mariano Grossi nih cun a chim. Tutan khualtlawnnak ah hin Nuclear he pehtlai in an tuahto ning cang kong ah phung an buarmi cu fiang hlang tein theih khawh a si lai, tiah Ukraine Ramleng Minister Dmytro Kuleba nih cun a chim ve.

 

Tutan chekhlatnak tuah ding mi cu Russia a lungtling nain Cu hmunhma ummi a ralkap kirter ding tu cu a duh lo. Zarhpi ni zingka ah Zaporizhzhia hmun ah Missile a tla i aho nih dah a kahmi a si cu theih a si lo, Cu kong he pehtlai in Russia le Ukraine cu pakhat le pakhat an i puh.
Credit;The Chin Post