Dr Ngun Cung Lian Caah Cun Himnak A Umti Lo E

Dr. Andrew Ngun Cung Lian hi SAC ralhrang ruahnak peetu pakhat in tuanvo a laak mi hi aa nuam tuak ko, a zalontukm a zelentuk, a hngadam tuk ko lai tih kan ruah cio men lai dah ka ti, Hi bantuk riantuan timi hi ral le ral paphnih karah riantuan timi hi a fawi bak lo thil a si. kha lei a mer ah ral, khat lei i thial ral a ngei mi pakhat a si ve ko timi hi theih fiang ah a tha.

SAC ralhrang Tatmadaw hna sin ah  hi bantukin ruahnak peetu ah a rian tuan mi hi tih a nung tuk mi bak mipi nih kan theih lo mi pakhat a rak si ve cu. Zeirunagha dah CNF in Tatmadaw sinah aa fonh timi cu chim a hau ti lai lo dah, Chinmi mipi kan zaapi in a ruang cu kan theih dih cang a si kaw, ka chim ti lai lo.

Tatmada ralhrang sinah a riantuannak ah a har bak mi a caah tih a nung taktak mi cu, ” Ral a si mi sinah ruahnak peek timi hi Tatmadaw nih rem limi Miphun fa a si mi mipa pakhat caah cun dahkaw a har  tuk mi a si cu. Tatmadaw ralkap SAC ralhrang pawl cu a hrang tukmi an si, khua tuakdan hmasa lo bakin rian a tuan mi an si hna.

Mi pakhat nih nawl peek nak lanwglawng bak in rian a tuan mi an si cu. Ngun Cung Lian hi a tu ah Mipi lei nih SAC ralhrang Tatmadaw hna hi tei rak si hna sehlaw , a pum chungah dakaw meithal nih a zulh colh hnga ding dirhmun a phan cu, Ruah nak peek pakhat khat i pelh sehlaw thah a tong colh hnga ding a si.

Nang cu Miphun tlawm Chinram fa te in a chuak mi na si caah kan i herh ti lo tiah thah colh hnga ding dirhmun ah a um cu. A tu a dir hmun ning zohah cun a himtuk mi ah a um tiah ruah cio a si men lai dah ka ti. Hihi a dik mi cu a si ko lai. Nain a tu caan hi a mah caah cun a biapi tuk mi a nunnak caah tih a nung tuk mi dir hmun a phan cu. A mah pumpak in cun zeitikah dah Tatmadaw ralkap hna nih ka nunnak hi an kan laak telai tiah a ruah ve ko lai tiah ka zumh.

A tu ah hei chuak kho sehlaw Chinmi CNF lei ah a nunnak rak i thleng tthan sehlaw, a mah caah cun khuai kaa hmun hmkanh ah himnak a um ti lo mi a si lai. A tu aa tlaih mi hi Cakei mei itlaih bantuk in dahkaw aa tlaih mi a si cu. A thlak sual citcet ah cun, zungzal in Tatmadaw ralkap nih thihhlan lo kawl ding timi nawl an chuak piak hnga ding ah a um mi. A si nain ka chim duh mi cu,

Ngun Cung Lian hi hoidang nakin thih nak he a neih deuh mi a si, Tuni a thih le thaizin ah a nunnak a liam  kho mi caan kar laak, caan par ah a um lio mi dahkaw a si cu. Tatmadaw ralkap nih nang cu kan i herh ti lo tiah meithal in kahcolh hnga ding dirh hmun ah a um cuah mah lio mi a si. Hihi mi tampi nih kan thei lai lo tiah ka ruah. Cu ruangah nung dam in a um khawh nak hnga ding caah nang e kei e ti loin  thlacaam bom ko hna usih.” Min langhter a si lomi pakhat nih a tial. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum