Demosoe PDF Nih SAC Ralkap pathum An Kah Thah Hna

Ningcang loin thah a tongmi ram pasalțha minung 4 caah Demoso peng, DawNganKha khua ah umhmun a khuarmi SAC ralkap hna cu teirul cham in kan kah hna i SAC ralkap 3 an thi tiah – Demoso ( DMO – Local PDF ) nih cathanh an chuah.SAC ralkap nih Democracy pasalțha 4 a si mi Ko Jimmy, Ko Phyo Zeya Thaw, Ko Aung Thura Zaw, Ko Hla Myo Aung hna cu hri thlai in an thah mi hna hi Demosoe DMO – Local PDF nih kan cohlang kho lo i nuhrin covo a buartu SAC ralkap hna i an tuahser nak cu kan doh, fak piin sual kan phawt hna tiah an langhter.

Cu caah Kayah ramkulh, Demosoe peng DawNganKha khua mizapi hna i an inn ah umhmun a khuarmi SAC ralkap hna cu miz Demosoe Local PDF, PDF Battalion 1102 le Battalion 1106 hna i bawm in July 26 zanlei Sml 3:20 hrawngah suimilam pakhat chung hrawng kan va kah hna.Kahdohnak ah SAC ralkap pathum an thi i hliam a tuarmi an tam tiah an langhter.DMO- Local PDF lei in ralkap 2 hliam an tuar tiah cathanh chungah an langhter.

 

Thih Dan Pekmi Minung Pali Hna Kong Ah Chinland Joint Defense Committee Nih Cathanh An ChuahChinland Joint Defense Committee an cathanh chung ah, kannih cu Chin rampi chung um CNA telh in peng kip ah hriamtlai phu 18 in sermi Bu a si. Kannih cu ram kip upadi a zulmi kan si, tiah nizan July 26 ah cathanh an chuah.Hramhram uknak latu SAC ralhrang nih Kan Chinram chung ahsualnak (War Crime) le miphun tengnge cungah sualnak(Crimes Against Humanity) atu le atu an tuah.

 

Cu pinah 2022 July 24 ah thawngzamh ah dohthlennak kan riantuan hawi Jinmy, Pyo Ze Yar Thaw, Hla Myo Aung le Aung Thura Zaw hna cu kan thah cang hna, tiah SAC ralhrang nih an langhter. Minung lungput ngeilo in thah nawnnak an tuah mi cungah Chinland Joint Defense Committee nih kan cohlang kho hrimhrim lo. Cucaah SAC ralhrang pawl hi a hram in kan bongh khawh hlan tiang kan doh lai, tiah cathanh an chuah.

 

Ramchung Pumpi Ah SAC Nih Inn 28000 Leng An Duah CangSAC nih uknak lak ni 2021 February 1 thok in tu kum July 15 tiang ah Biaknak lei inn tel in Inn 28000 lengan khangh cang tiah ISP Myanmar nih an thanh.Sagaing ramțhen ah inn 20000 leng, Magwe ramthen ah 5000 leng an khangh i a tam bik ramțhen an si.Tukum July 1 in 15 karlak chungah inn 535 leng an khangh i cu chungah cun Sagaing ramțhen ah inn 280 leng, Magwe ramțhen ah 230 leng an si.