Delhi Phan Tim Chin Ralzaam Cheukhat Guwahati Ah Tlaih An Si

Delhi Phan Tim Chin Ralzaam Cheukhat Guwahati Ah Tlaih An Si. CPRO, APHQ thawngchuah nih a tarlang dan in asi i nizan September 12 ah khan Assam palik pawl nih cun Chin ralzaam minung 26 an kai, tiah a tarlang. Annih pawl hi Mizoram in Guwahati kal an si i an tlunnnak Guwahati ‘Muana Run’ Hotel ah Assam palik pawl nih cun an va cek i.

Chin ralzaam 26 (pa 16 le nu 10) hna cu an va tlaih, tiah an tarlang. Ralzaam pawl hi Chin ramkulh in ra an si i Delhi ah Bible sianginn kai dingin an chim. An sin ah ca lem (forged Indian document) Aadhar card, Voter’s ID pawl hmuh a si i hi ca lem pawl hi Mizoram nih an tuahmi, tiah an chim. Chin ralzaam tlaih thawngpang ah UN lei in an tawlrel lio tiah theih a si.

India Today le Mizo Special Report.  Relchap – Carson Biakinn Pawng ah Nu 2 SAC Ralhrang nih an Tlaih Hna Hakha Khuathar, Carson Biakinn Hall tang ah ttamhnak dawr a tuahtu Nu Sung Sung le a naunu cu nihin chun ah SAC ralhrang nih an kalpi hna. Khuami pakhat nih, “SAC ralhrang nih an dawr ah an kal hnawh hna i an um lo.

An inn ah an vung fuh hna i an tlaih hna,” tiah a chim. Zei ruang ah dah an tlaih hna timi fiang in theih a si lo. Nu Sung Sung te hi Carson Biakinn Hall tang dawrkhaan ah ttamhnak dawr “Beauty Salon” a tuahmi an si i, Pu Ram Thang inn tangdot ah innhlang in a ummi an si. Crd – T C J