Dawtu Le Harnak Petu thathnemnak Harnak na ton caan ah an bawmtu cu zeitik hmanhah va philh hlah,

Dawtu Le Harnak Petu thathnemnak🔸Harnak na ton caan ah an bawmtu cu zeitik hmanhah va philh hlah,🔸Harnak na ton lioah an chanhtu dawtnak cu zeitik hmanhah va philhpiak hlah,🔸A har tuk lio a si ko buin an bawmtu cu zeitik hmanhah va philh hlah,🔸Midang sinah na chambaunak an huptu hawitha cu vai cinken hna,

🔸Cu bantuk hawitha cu ton an har i, hmuh a har tukmi hawitha an si caah, na lungthin tak in dawt khawh le man ngeihter i zuam,🔸Na sin ah na thatnak chim peng in midang sinah na thatlonak a ceih pengtu hawikom cu va philh hna hlah,🔸Harnak an petu le na cungah harnak a tluntertu cu zeitik hmanh ah va philh hna hlah, cun an cungah huatnak lungthin ngeih lo izuam.

🔸A caan ah cun harnak a kan petu le fahnak a kan petu nih hin lungfimnak zong a kan pekchih i, kan cungah mitha le mithalo thleidan khawhnak zong a kan pekchih,🔸Cu caah kan cungah mitha a si tiah kan ruahmi hna nih dawtnak a nganzia an langhter bantukin, kan cungah a thalo tiah kan ruahmi hna zong nih kan caah a thahnemmi lungfimnak an kan pehchih tawn.

Thawngpang dang,Rakhine Ah Tlaih A Tong Mi Minung 30 Leng Cu Phungrelnak 505 In Taza Cuai An Si!: June thla chung ah Rakhine ramkulh ah tlaih a tong mi minung 32 cu phungrelnak 505 in taza cuai an si, tiah ramkhel ruangah thong a rak tla cang mi catial thiam saya Wai Hein Aung nih RFA ah a chim. June thla chung ahkhan SAC ralkap le AA kar buainak ruangah tualchung mi 30 leng cu tlaihkhih an rak tong.

 

Seihtaw ah minung 9, Pungnakyon peng ah 6, Kyauktaw peng ah 3, Myauk U peng ah 8, Kyauk Phyo peng ah 4, Chin ramkulh Paletwa ah 2, an dihlak minung 32 cu phungrelnak 505(a) le 505(b) in taza an cuai hna. Tlaih a tong mi dihlak taktak cu minung 40 leng an si i, cazin fiangfai in laak khawh a si lo caah minung 32 hi fehter an si. Atu i minung 32 hi cu anmah le an peng cio i biaceihzung ah biaceihnak an tuah lio a si, tiah theih a si,Taza cuai a tong mi hna lakah Pungnakyon peng i an tlaih mi ngakchia (kum 18 a tling rih lo mi) 2 tu cu an i tel rih lo. Pungnakyon peng palek sakhan ah an hren hna, tiah tualchung mi sin in theih a si.

 

A liamcia thla ah khan Arakan Army (AA) nih Seittaw, Phungnakyon, Kyauktaw, Kyauk U, le Yanbe peng ah SAC ralkap 10 an rak tlaih hna. Cu ruangah SAC ralkap nih tualchung mi hna cu AA he pehtlaihnak nan ngei ti in an tlaih ve hna. Tlaih a tong mi chungchar hna nih cun AA he pehtlaihnak an ngei lo, mahle pawcawmnak ca ah mah tein a cawlcaang mi an si, tiah RFA ah an chim ve. SAC chimphuannak nawlngeitu General Zaw min Htun nih cun Rakhine ramkulh ah civil mi kan tlaih mi hna a um lo, tiah June 28 ahkhan RFA ah a chim.
Credit; The Chin Post