Dalan Pakhat Ruangah Unau Pahnih Ralhrang Nih An Thah Hna

Dalan Pakhat Ruangah Unau Pahnih Ralhrang Nih An Thah Hna. Dalan ruang ah ral hrang nih unau hnih an that hlei a dang minung 4 hna zong an tlaih hna tiah thei a si. Magway ramthen, Taungdwingyi peng, Taung Hlaw (Zua Ma) ah September 12, chun hrawngah SAC ralhrang nih kahnak ruangah khuami 2 an thi i minung 4 an tlaih hna. Khuami hna.

An zaam tiah theih a si. Min langhter duh lo khuami pakhat nih cun (September 11) ah khan Kok Ku Kone i Mytel Tower hrawh a si i cu ka ah cun khua chung i Dalan pakhat nih cun khua chungah PDF pawl an um tiah bia dik lo a chim ruangah SAC ralhrang motor 2 in ralhrang 60 hrawng an ra. Cuti cun khuami pawl nih kan tih tuk i kan zaam lio ah an kan kap hna.

Unau 2 an kap i an thi. Midang khuami 4 tlaihmi an ngei tiah a chim. SAC ralhrang nih an kah ruang i nunnak hlohtu hi kum 40 mi Ko Myat Soe le a nau kum 20 mi Ko Pyih Kyi an si, tiah theih a si. Atu can ah hin cun SAC ralhrang pawl khua sungah an um ruangah hohmanh khua ah kan um ngam lo. Kum upa zaam kho lo pawl lawng kan tan.

A zaamtu pawl hi khua dang i chungkhat inn ah um cio a si. Dalan pakhat ruangah khua mi dih lak chiatnak kan tong. Mah khuami ciocio hi bantuk tuah ding si lo nain tiah khua zaamtaktu mi pakhat nih a chim. Hi khua hi inn 250 an um i minung 1000 hrawng an um, tiah theih a si.