Dalaan kan thianh an ti nain an va fuhmi hna chungkhar lawng that loin,an Inn mileng pahnih an thah hna pinah kumtling lo

 

Gangaw pengah YDF ( Saw) phuchung in Dalaan kan thianh hna timi tlangtaar in chungkhar khat an va thah hna tiah Gangaw voice nih a langhter,Dalaan kan thianh an ti nain an va fuhmi hna chungkhar lawng that loin,an Inn mileng pahnih an thah hna pinah kumtling lo tiangin an thah Cun an va thahmi hna chungkhar suingun chawva le an motor pahnih an i tlikpi rih.

 

Hmailei ah mah btk a chuak te kho rihmi si caah Chinram ah hriamtlai bu tthawng mi pakhat ser a hau i,ngeih hrim kan herh.Rakhine ramah hriamtlai phuli an um nain AA nih a khulhchhih dih hna.AA btk cakmi phu ngeih lo cun kan i nawng dih te kho,Pahnih an hliamh rih hna tiah theih si cred; Salai William HC.

 


Relchap,Magway ramrhen, Saw khua ah chawlettu U Khin Maung Lin inn cu August 21 zaan ah YDF(Saw) hriamtlai phu nih meithal he an luhhnawh hna i, inn ngeitu U Tin Maung Lin, a tu nu kum 13 pakhat telh in minung 6 an thah hna, tiah theih a si,August 21 zaan ah Saw khua, Zaeya sang um mi chawlettu U Khin Maung Lin le a chungkhar cu TV in pumpululh chuih an zoh lio ah YDF(Saw) nih luhhnawh in an kah hna i, an chungkhar mi 4 leng ah an hawileng 2 zong an thah ve hna, tiah tualchung mi nih an chim.

 

Hriamtlai phu kahnak ruang ah nunnak liammi hna cu inn ngeitu U Khin Maung Lin, a nupi Daw Yin Ngway, a fapa nupi Daw Khin Ma That le kum 13 tluk simi Daw Khin Ma That leng ah an mileng U Aung Thein Win le U Zaw Htay hna an si,U Khin Maung Lin chungkhar thah an ton hnu ah an motor 2 le phaisa hna cu hriamtlai phu nih an i kalpi, tiah tualchung mi nih an chim.

U Khin Maung Lin cu Saw ah SAC ralkap hna he a pehtlaimi chawlehnak a tuahtu a si i, SAC ralkap sin “thawngpetu” le “dalan” tiah a min a lang bal lo, tiah tualchung mi nih an chim,“Dalan a si tiah thawngpang a lengmi cu a um lo nain, chawlehnak a tuahmi hi SAC ralkap he pehtlaihnak a ngei. Amah cu Saw ah mi tampi nih theihmi chawlettu pakhat a si. Dalan a si caah thah a tong tiah thawngpang a leng,” tiin Saw khuachung ummi pakhat nih a chim.

Chawlettu U Khin Maung Lin cu SAC ralkap kuttang um pyusawhti hruaitu a si caah Yaw hriamtlai phu YPDF nih an fimhlawm hna, tiah thawngpang a leng fawn,U Khin Maung Lin innchung in meithal kah thawng a than hnu ah Saw khua um SAC ralkap hna nih hriamngan an thlah, tiah tualchung mi nih an chim Hi kong he pehtlai in Saw zatlang uktu phu le tualchung hriamtlai phu 6 fonh nih YDF(Saw) tuahsernak cu an duhlonak kong cu nihin August 22 ah cathanh an chuah colh.

YDF(Saw) phu nih dalan tiah min putter in chungkhar pakhat cu an chungkhar ning in an thah hna, an thahmi hna ah hin kumtling lo ngakchia pakhat zong aa tel. Hi thahnawnnak an tuahmi kong le an thil an chuh hna nak kong ah YDF(Saw) lei an palh, tiah tualchung hriamtlai phu 6 fonh nih cun an langhter. YDF(Saw) nih biahalnak le fehternak zei hmanh tuah hmasa loin, atu bantuk in mi nunnak an laak caah duhlonak kan langhter, tiah PDF phufonh nih cun an langhter.

Hriamtlai phu hna meithal kahnak ruang ah sangchung ummi pahnih U Khin Maung Kyi le Maung Myat Bune Khant Naing, kum 17 zong hliamhma an tuar, YDF cawlcanghnak dohkalh in cathanh a chuahtu hna cu; Saw peng zatlang uktu phu, Laungshe(လောင်းရှည်) tualchung hriamtlai phu( LSR PDF), Saw tualchung hriamtlai phu (Saw PDF), The Youth Force (Saw le Kyaukhtu), Kyaukhtu tualchung hriamtlai phu ( KTU Region) le Korea um Yaw miphun hna i fonh in an si.
Credit;The Chin Post