CNF, Salai Tha Hei cu nupi an kan thit piak caah kan lawmh pi tuk ram le mi phun caah thazaang akanchuah piak tu paraltha

CNF GS Salai Thla Hei kan in lawmhpi tuk e,ram le miphun caah bochan zungzal mi kan pa si peng law; fanu fapa rosung hmu in tarkung tlungin nan sampar tiang, nuva ttha si dingah duhsaknak nganpi kan in pek hna Nan te fa zawng miphun le ram caah bochan awk atlak mi si ter ko hna seh Bawipa pathian nih nan chungkhar cu lunglawmh thluachuah Nak cu nan chungkhar tlun ter ko seh cu vial te cu Bawipa thawngin ara Mi deih nak thluachuah si ter ko seh Bawipa sun par nak alanghter tu in chungkhar in si ter hram ko hna seh.

 

Relchap, CNF Pehtlaihnak Office Onnak An TuahChin National Front (CNF) Pehtlaihnak Office cu nihin August 13 ah, Chin National Army hmunpi ah onnak an tuah, CNF Upa rianngeitu hna le Department kip in rianngei dihlak nih an tel pi hna pin ah CNF/CNA he hawikom simi hna upa cheukhat zong nih an telpi hna i rawl dum ținak zong an ngei hna.

 

 

Office onnak program cu zaanlei slm 4:00 in an thawk i CNF Assistant General Secretary-3 Pu HC Ral Hnin ( Pehtlaihnak Office Lutlai) nih biatawi chimnak a ngeih hnu ah United Chin Christian Fellowship (UCCF) Pastor Tluang Hre nih Pathian sin pekchanhnak le thlacamnak a ngeih, Euro Burma Office (EBO) Director Pi Chin Chin Pek Thang nih Ribbon tannak a ngeih.

 

 

Thawngpangdang,Sagaing Ramthen, Taze peng nihnih chung kahdohnak ah SAC ralkap 10 hrawng an thi, tiah nihin August ni 13 ah Myanmar Defense Force (MDF) nih cathanh an chuah. August ni 8 thawk in SAC ralkap nih Helicopter 3 in ralkap 100 hrawng cu Zuange khua ah an rak chiah hna hnu in Tawcin khua le Zuamonetaung khua ah rallam an rak sial, tiah theih a si. Zuamonetaung khua ah inn 8 an khangh i, khua an rak chuah lio ah Taze battalion 6 nih an kahdoh hna caah SAC ralkap tamlakte an thi, tiah an langhter.

 

Cu bantuk thiam in August ni 10 zinglei Wine khua in rallam a rak sialtu SAC ralkap pawl cu MDF battalion 26 le Taze battalion 6 i bawm in an kah hna, tiah theih a si. Cu kahdohnak cu minutes 40 tluk hrawng a rau i, SAC ralkap 10 leng an thi, hliamtuar zong an tam, tiah Myanmar    Defense Force nih cathanh an chuah. Nihnih chung kahdohnak ah MDF le Taze PDF lei hliamtuar um loin hnu an tolh, tiah theih a si.

Hproso Peng Kahdohnak Ah SAC Ralkap 2 An Thi, PDF 1 A Nunnak A Liam ve: Karenni ramkulh, Hproso peng Sularku khua ah SAC ralkap 200 hrawng cu rallam hmun thum ah an sial i, PDF, KA, KNDF Central Special Operations, Battalion 1101, Demoso PDF, Battalion 1107, Mobye PDF, KRU le KGZ tangti phu hna he August 9 in 12 tiang kahdohnak a chuak, tiah Loikaw PDF nih cathanh an chuah.

Nili chung kahdohnak ah SAC ralkap 2 an thi i, Loikaw PDF in kum 19 ralkap pa pakhat a nunnak a liam ve. Central Special Operations sniper phu nih Sularku kahdohnak ah SAC ralkap 11 an rak thah hna, tiah theih a si,Cu kahdohnak ah cun PDF ralkap 2 hliamhma an pu i, a dang a thimi le aa hliammi an um le um lo kan fehter kho rih lo, tiah an langhter.
Credit The Chin Post