CNF/A Le Ralhrangan ikah cuah mah asi tlacam in bawm hna uh sih, mah lio i thlacam tu thazaang chuah tu si aherh taktak

Tuhi Timit lei in bom a puak cuahmah lio, kan ralkap nih teinak hmu hna sehlaw, tlawmpal ah Thawngtha kan thanh te hna lai khah.
Credit Salai William Hc.

 

 

Relchap,Falam peng, Rihkhawdar khua i SAC ralkap sakhan a kaptu Chin ralkap hna cu a herh ningin hmalak nan si lai, tiah cathanh a chuahtu CDF-Hualngoram phu hna cu CNO/CNDF le ZFU/PDF-Zoland nih ralrin peknak cathanh an chuah hnawh hna. A luancia August 10 ahkhan Falam peng, Haimual khuathar pawng i SAC ralkap sakhaan cu Chin ralkap hna nih an kahdoh hna i SAC ralkap 8 an rak thi.

 

Cu kong he pehtlai in CDF-Hualngoram nih duhlonak cathanh an chuahmi cu, ZFU/PDF Zoland nih “Chin ralkap hna hi bantukin nan dohkalh hi dohthlennak tuahtu hriamtlai phu rian a si lo” tiah an langhter. CDF-Hualngoram nih khual a tlawngmi hna sin in phaisa nan hal hna mi hna cu, tuni thawk in a rannak in nan ngol cang lai, tiah an cathanh ah cun an langhter.

Cupinah, CNO/CNDF zong nih CDF-Hualngoram ca ah ralrin peknak cathanh an chuah ve i, an cathanh ah cun Rihkhawdar khua i a ummi mipi hna cu thinphang thlalau ding in nan thihphaih hna. CNO/CNDF nih cun SAC le mipi thihphaihtu cu kan cohlang lo tiah an langhter. CNO/ CNDF nih cathanh kan chuah bantuk in, Falam peng chung ah hriamtlai dang um lo ding le, CNO/CNDF hnatlakpinak tel loin kahdohnak tuah le mipi hna thinphang thlalau ding in cawlcanghnak tuah cu atu thawk in ngol ding a si lai, tiah theihternak le ralrinpeknak an tuah.
Credit; The Chin Post