CNA le CDF Halkha nih bomb 5 an hmanhmi ah bomb pathum cu 8am ah a puak.

CNA le CDF Halkha nih bomb 5 an hmanhmi ah bomb pathum cu 8am ah a puak. Ralhrang an fak ko lai tiah ruah asi i, ruah a surtuk ruangah hmuh khawh le va hlat kho asi lo,Drone a hme mi in bomb voi 1 kan ralkap nih an thlak i ralhrang pawl cungah an tlak kho. Ralhraang Drone Jumper Battery dih ding in Drone a fa mi in hnahnawhnak kan ralkap lei nih an pek hna,an jumper Battery tha a dih in Drone a ngan in kan ralkap nih bomb an tlak hna,Tuhi ralhraang pakul hna cu, i kahnak hmun in Timit lei an zuang,an tuah mi maw an si hnga ti a fiang rih lo,Bawipa thawng in kan ralkap an him dih.

 

Thawngpangdang,Magway ramthen, Yesagyo pengchung khuate a khangtu SAC ralkap 50 hrawng le PDF hna cu August 13 ah voi thum an i kap, tiah theih a si. Zinglei suimilam 6:30 ah voi khat, suimilam 10:30 ah voikhat le zaanlei suimilam 3:30 hrawng ah voi khat tiin nikhat chung ah kahdohnak voi thum a chuak, tiah kahdohnak ah aa tel ve mi Daung Ngyi Naung tualchung hriantlai phu hruaitu pakhat nih a chim.

 

Kaphnih kar kahdohnak ah SAC ralkap 20 hrawng an thi lai, tiah Daung Ngyi Naungtualchung hriamtlai phu hruaitu pakhat nih cun a chim,Cu kahdohnak ah cun Daung Ngyi Naung tualchung hriamtlai phu, Phoenix pah-kah-phah, YLK pah-kah-phah, Thwaythauk Revolution Force, Myingyan pah-kah-phah phu, Black Wolf PDF(MDY), Wlof Brothers, Yesagyo PDF, le Yelaykyun tualchung hriamtlai phu le Nagani pah-kah-phah phufonh hna nih an kahdoh hna, tiah theih a si.

AA le SAC Ralkap Kar Kahdohnak Ah SAC Ralkap 7 An Thi I, 6 Tlaih An Tong!: Nihin August 13, zinglei le zaanlei ah Rakhine ramkulh, Maungta chaklei le thlanglei, Yataetaung peng ah SAC ralkap le AA kar fak ngai in kahdohnak a chuak. SAC ralkap lei a thi an tam leng ah hriamthil zeimawzat kan lak khawh, tiah AA lei chimphuannak nawlngeitu U Khine Thu Khah nih a chim.

SAC ralkap le AA hna cu August 13 ah khan voi 3 an i kap i, kahdohnak ah cun SAC ralkap 7 an thi i, midang 6 tlaih an tong, tiah theih a si. Maungtaw thlanglei Wailatauk lei zong ah kahdohnak a chuak than i, hriamngan kah thawng cu zinglei suimilam 10:00 hrawng in zaanlei tiang kan theih, tiah Minkhamaung khuami pakhat nih a chim,Maungtaw thlanglei ah SAC ralkap nih ramri an hngahnak sakhan a um i, Rakhine ralkap he atu le tu ti tluk in kahdohnak a chuahnak hmun zong a si.