CNA/F Kan Pa Le Hi Thanchiat Le Soisel Caan A Si Ti Lo

CNA/CNF kan pa le hi huat le soisel hna ding an si lo, a hlan lio pi CNA /CNF an rak dirh ka i an tuah sar nak ruang ah tu ni tiang nan huat kho rih mi hna hi cu Dawtnak tak tak le theihthiamnak a ngei lo mi nan si ko, a hlan lio ah cun mipi nih zei nan rak rel hna lo, nan rak dirh kamh duh hna lo caah an har sa tuk lung in le rawl ei awk ti bantuk an rak ngeih lo ruang ah thil an tuah sual mi te te an rak um len ko lai nain, tu ban tuk caan ah hin cun lungfim caan a za cang.

Minung hi sulpalh nak a ngei lo mi ho hmanh kan um lo, Pathian rian tuan cheukhat kan Pastor te le Rev. a tuan mi hmamh khi a hlan an tuan bia ah zu ding sa ei tak mi, a rak hrawkhawl tak mi an tam pi ve ko, Pathian dawtnak an hngal hnu ah Pathian rian tuan than mi an tam pi ko, cu ve bantuk cun CNA /CNF kan pa le zong an hlan ah zeiban tuk hmanh in rak um hna seh law, tu ni tiang ah cun ram dawtnak a ngei tak tak mi an si ko, a hlan i an tuah sarnak then then te kha tu tiang i tleih peng awk an tha lo.

CNA /CNF kan pa le zong mihrut an si lo,remkhel lei in bochan tak mi kan pa le mifim an tam pi, mipi nih nan dirh kamh mi hna le nan dawtnak hi an thei tuk ve ko, a hlan i an rak har sa tuk lio ban tuk khan an si ti lo ti kha rak theih piak ve hna uh, tu ah hin chim ko lo ah cun CNA /CNF kan pa le hi um hna hlah seh law CDF hi, hi tluk hin kan dir kho lai lo, Ralkap traning a kan pe tu zong an um lai lo.

CNA/ CNF nih ralkap traning an pek mi hna khi kan mah Chin mi long hi kan si lo, kawl rawn lei in a rak kai mi tam pi an um ve len, CNA/ CNF kan pa le hi rak um hna hlah seh law CDF hi khawi ka dah hriamnam kan cawk lai ti hmanh kan thei lai lo hih, caan a ruah hnu long ah CDF zong nih kan mah tein hriam kan cawk khawh ve ko ti phun in CDF long hi dirh kamh awk a tha lo, hriamnam kan cawk khawh nak le kan lak khawh nak a hram pi cu CNA/ CNF kan pa le thawng in a si.

CDF kan thawn khawh nak ding i a kan dir pi tu cu CNA CNF kan pa le hi an si ti hi rak kan philh piak ve hlah uh, tu hnu long ah CDF kan mah tein hriam kan cawk khawh ve ko kan dir kho ve ko ti ding si lo, kan hram pi a si mi kha philh awk an tha lo. Kan dohthlennak kan tei khawh nak ding caah cun CNA /CNF kan pa le hi biatak tein kan dirh kamh ve hna hau.

CDF long kan thawng ter, kan dirh kamh si cun kan dohthlennak kan tei nak lam hi a hlat deuh lai, cu caah cun kan mipi kan lung fim cang seh, dawtnak le theihthiamnak a ngei mi le lungrual nak a ngei mi miphun si cang hna u sih. Chinchiah: CNA/F kan pa le an soisel nak le an huat nak hna ka hmuh ton caah kei mah hmuh ning tein ka tial ve mi si, ka tial sual mi hna um cun a ruah zia ka thiam hram uh tiah kan nawl hna.Credit – Salai Piter Suihnin Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum