CNA/CDF Caah Dollare 200000 An Hlut

Zokhua Hrin Ramdang Phan Nih CNA/CDF Caah Dollare 200000 An Hlut. Hakha myone Zokhua ramdang phan mi hna nih CNA/CDF caah US dollare ting hnih an hlut. ဟားခါးမြို့နယ် Zokhua ကျေးရွာ ​Zokhua hrin ပြည်ပရောက်ပြည်သူများမှ ချင်းအမျိုးသားတော်လှန်ရေးအတွက် CNF/CNA/CDF အား USA dollars နှစ်သိန်း $200,000.00 ကို CBCUSA-CDF Supporting Team ထံသို့ ၂၀၂၂ May လ ၁၄ ရက်နေ့မှာ ပေးအပ်လှူဒါန်းခဲ့ကြောင်းသိရသည်။

Ramleng ummi Zokhua hrin mi hna nih CNF le CDF caah US Dollars tinghnih $200,000.00 cu CBCUSA-CDF Supporting Team sin ah an pekchanh. Relchap: Kan Lei A Ttang Lomi Paoh Cu Kan Ral An Si: Salai Aung (Ngun San Aung) Tu thla ni 13 (kan hnu ninga ni) Hakha IBC Biakinn i Pastor pawl cawnpiaknak tuahnak ah Hakha Khrihfabu lei luban tlai bikbik ti khawh a simi Pastor te pahnih nih kannih cu Third Party kan si. Tulio ram buainak ahhin holei ttang hmanh kan si lo an ti daih.

Cucaah kei ka dirhmun cun kha bantuk Pastor te he biaruah ding ka ngei ti lo. CDF Hakha dirhmun zongin fak piin kan ruah cuahmah ve lio. Tu lio cu thil dik le dik lo karlak i dohnak a si caah kan lei a tang lomi paoh cu kan ral an si. A karlak ah dircaan a si lo. (Rungtlang zong hei kai pah. CNF Headquater zong hei tlawn pah. Kaphnih tluanh lungput le dirhmun. Ramvai bia cun a sul bawh kan ti.)

Ka ning maw zak deuh ka lung dik fak deuh. Kan pa le Kachin Baptist Convention nih zeitluk in dah KIO/A a dirkamh timi zong khi kan hlat piak pah ulaw kan ilawm ko hnga. Credit. Salai Aung (Ngun San Aung) Relchap: Saw Peng Ah Palik Pahnih Nih Meithal Pahnih He CDM An Tuah

Magway ramṭhen, Saw peng in palik 2 cu meithal zunhnih le meithal kuan he CDM an tuah, mizapi sinah an i fonh, tiah caan karlak Saw peng i ukhruainak phu sin in theih a si. May 16 ni ah palik 2 cu meithal he CDM tuah dingah an lut.l i Lawmman tangka an pek hna lai i a himnak hmun ah an chiah hna lai, tiah theih a si.

Magway ramṭhen, Gangaw pengkomh Saw peng cu PDF nih an hip dih, an uk dihnak hmun a si i SAC ralkap pawl an tha a der ngainak hmun a si. SAC Ralkap Nih PDF Kalay Battalion 4 Camp An Laak, Sing 500 Man Thilri An Khangh. Kalay pengkomh Battalion 4 camp cu May 14 lioah SAC ralkap nih Jet Fighter 3, MI 35 vanlawng 2, Helicopter 1 le Drone in suimilam cheu chung an rak kah hna, tiah theih a si.

Cu hnuah SAC ralkap 200 hrawng nih rallam an sial i Kalay PDF he minutes 15 chung hrawng an i kap i Hriamnam aa thlau tuk caah Battalion camp in Kalay PDF nih, an chuah taak hna. SAC ralkap nih Battalion camp ummi thilri sing 500 man, fur caan ei awk ah an i chiahmi eidin, thilri le ralzam ngakchia caah an on mi sianginn le sii-khan zong an khangh dih hna, tiah theih a si. Battalion camp a kangh lawng si loin thilri vialte a kangh chih dih caah, Battalion camp thar sak ṭhannak ca ah mizapi nih nan bawmhnak kan herh ko, tiah an langhter. Crd: TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum